RYUREITUHPAZY 1:2 - Mara Bible RV (BSI)

² Abeipa ta, “Zudâh sie mawh sy. Râh cha a ku liata ei pie haw,” tah ta.

RYUREITUHPAZY 1:2 Cross References

MALUHREINA 2:3

“Noh vaw chhina nochhi lâta poh o a rai awpazy cha Zudâh py châ aw ei ta, a py py ta poh o rai aw ei ta, Zudâh pathlazy hyutuhpa cha Aminadâ sawchapawpa Nâsaw châ aw ta,

MALUHREINA 7:12

Noh khana noh liata hmohlâpa a hlâpa cha, Zudâh chi Aminadâ sawchapawpa Nasô a châ.

HEBRAI 7:14

Eima Beipa cha Zudâh chi tawhta a vaw puapa a châzie pahnopasiapa châ ta, cha chi nata a zaopa ta Mawsi ta theihthaipazy kyh khâpa hmah reih vei.

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

BIEPHUAH 5:5

Chatawhcha machâ pakha ta ei hnohta, “Cha khao khah y, moh teh, Zudâh chi chakeibarôhneipa, Dâvi Thari ta, châbu chatypa pahy awpa nata a chahnaona miasari pathlâ awpa ta a pahnie haw,” tah ta.

RYUREITUHPAZY 1:3

Zudâh pathlazy ta ama unawhpa Simeôna pathlazy hnohta, “Eima ryuto râh lâ eima hnohta kaw sie u la, hmaohkha ta Kâna mo a kaw dyuh ei suh u. Keimo chhao nama ryuto râh lâ nama hnohta eima sie hra aw,” tah ei ta. Chatanachata Simeôna pathlazy cha Zudâh pathlazy hnohta adyuhna lâ sie ei ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:28

Arawna sawchapawpa Eliaza sawchapawpa Phinehâ ta Khazohpa Biehrai Byh hmiakô liata a chakao daihti a châ. Izarei sawzy ta, “Eima unawhpa Benzami sawzy a dyuh awpa ta eima khy heih aw ma, eimâ chalih ha bâ hri aw ma?” tah ei ta. Abeipa ta, “Khy teh u, mylâ nama ku liata âmo ei cha pie aw ei,” tah ta.