RYUREITUHPAZY 1:16 - Mara Bible RV (BSI)

¹⁶ Mawsi puhpa Keni pathlazy cha Zudâh pathlazy chhaota thiahrâ khihpi tawhta pua ei ta, Aradâ kiapâh ta a ypa Neke liata Zudâh râhchawhpa lâ khy ei ta, cha liata a ypa phopi hry liata pahrâ ei ta.

RYUREITUHPAZY 1:16 Cross References

1 THÂTIHZYRONA 2:15

pacharuna Ôze nata pasarina Dâvi zy sa ta.

1 THÂTIHZYRONA 2:55

Zabia liata chârohtuhpa phozy chhao âmo pathla châ ei ta, âmo cha Tirathi mo, Simiathi mo nata Sukuthi mozy ama châ. Âmo he Keni mo châ ei ta, Rekabâ pathlazy paw Hâmathi tawhta a vaw puapazy ama châ.

2 THÂTIHZYRONA 28:16

Cha daihti liata, Bei Ahâza cha baona hiah awpa ta Asuria bei lâ chyhsa tuah ta.

PUASAINA 18:1

Khazohpa ta a phopi Izarei sawzy nata Mawsi chô liata a hmotaopa zydua nata Abeipa ta Izarei sawzy Izi râh tawhta â kaw chhi papuazie zy cha, Midia theihthaipa, Mawsi puhpa Zetharô ta vaw thei ta.

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

PUASAINA 18:27

Chatawhcha Mawsi ta a puhpa cha pathlie ta, a puhpa Zetharô cha a râh lâ a lie lilaw ha heih ta.

PUASAINA 18:7

Mawsi cha a puhpa dy awpa ta pua ta, a bôh ta, a pahnâ ta. Thâtihzy a hiahri raihrie ei ta, poh o chhôh lâ a ngia ei ta.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

PUASAINA 4:18

Mawsi cha a puhpa Zetharô lâ a lie ta, a hnohta, “Izi râh liata ei unawh a ypazy ama hroh ma tahpa pahno awpa ta, ngiachhiepa ta âmo lâ na pasiesa mah y,” tah ta. Zetharô ta Mawsi hnohta, “Thlalôhpa ta sie mah y,” tah ta.

ZEREMIAH 35:2

Abeipa ta Zeremiah hnohta, “Rekabi pathlazy lâ vawh la, âmo cha bie a kei chho la, Abeipa o liata chhôhpadâhpa miakha lâ a vaw chhipa ta, âmo cha kresawhti padosa mah y,” tah ta.

MALUHREINA 21:1

Neke liata a pahrâpa Kâna chyhsa Aradâ bei ta Izarei cha Athari lâpi lâ tawhta a vaw sie tahpa thei ta. Aradâ bei ta Izarei cha a dyuh ta, Izarei saw thokha sei ta patu ta.

MATHAI 3:1

Cha nohzy liata, Bâtituhpa Zawhâna cha Zudia râhchawhpa liata bie chho awpa ta a vy ta,

RYHPACHANEINA 34:3

Neke nata Bypi tawhta Zawâ taih pamosa ta. Bypi cha thiahrâ khihpi Zerikô saikao a châ.

RYHPACHANEINA 34:4

Abeipa ta a hnohta, “He râh he, Abarahâ, Aisika nata Zakaw hnohta, ‘Na pathlazy ei pie aw ei,’ tahpa ta bie ei taihpa râh kha a châ. Na mo ta cha pahmôsa na ta, châhrasala a ngia aw va chi,” tah ta.

ZAWSUA 12:14

Hômâ bei pakha, Aradâ bei pakha,

ZAWSUA 18:21

Hezy he Benzami chi ta a pho pho ta ama to awpa khihpizy a châ: Zerikô, Behôkalâ, Emekezezi,

RYUREITUHPAZY 1:15

Akasâ ta, “Byhnâ na pie mah y. Neke râh eina pie ha hnohkua chi cha, tihnawhzy chhao eina pie pâ awpa chi ta ei châ haw,” tah ta. Chatanachata Kâlebâ ta Akasâ cha machha lâta tihnawh nata mathi lâta tihnawhzy pie ta.

RYUREITUHPAZY 3:13

Ekalaw ta Amawna mo nata Amale mo cha ano bao awpa ta hrua ta. Sie ta Izarei cha pahnie ta, thiahrâ khihpi chhao la ta.

RYUREITUHPAZY 4:11

Keni chyhsa Hebe cha a chiheih Keni mo hry tawhta a panano ta, âmo tawhta â hla kawpa ta Kedesâ kiapâh ta Zanâni liata ôkâ tho thih liata poh o rai ta. Keni mo he Mawsi puhpa Hôbâ pathlazy ama châ.

RYUREITUHPAZY 4:17

Siserâ cha Keni chyhsa Hebe lapinô Zaeli poh o lâ a phei ta a râ ta. Hâzaw bei Zabi nata Keni chi Hebe pathlazy likah liata adyuhna a ypa vâta ano lâ a râpa a châ.

1 SAMUELA 15:6

Sawla ta Keni mo hnohta, “Sie u la, Amale mo kha puasai teh u. Chataleipatala ei cha thie pâ pathlei aw ei na. Nâmo la Izarei sawzy Izi râh tawhta ama kaw pua nota, ama zydua chô liata phana a palâsatuhpa châ tlôh ei chi ta,” tah ta. Chatanachata Keni mo cha Amale mo hry tawhta pua ei ta.

1 SAMUELA 27:10

Akisâ ta a hnohta, “Tanoh khataih lâ hrâ na sie?” tahpa ta a hiahri tita, Dâvi ta, “Zudâh chho lâ, Zerami chho lâ, Keni chho lâ,” tahpa zy ta a chhy tyh ta.

1 SAMUELA 30:29

Râkalâ liata a ypazy, Zerameli khihpizy liata a ypazy, Keni khihpizy liata a ypazy,