HMOTAOPAZY 9:8 - Mara Bible RV (BSI)

⁸ Sawla cha alei tawhta kaw thyu ta, a mo vaw padeih ta, khâpa hmah hmô thei khao leipa ta. A ku ta chaao ei ta, Dâmaskâ lâ a chhi ei ta.

HMOTAOPAZY 9:8 Cross References

ÂTHAONA 14:15

Zâ ta chho awpa ta ano nata a chakaotuhpazy a pachhaih ei ta, thie lymâ ei ta, Dâmaskâ chavei lâta a ypa Hôbâ khih taihta a chadai ei ta.

ÂTHAONA 19:11

Ochhi thaby liata chyhsa a ypazy cha, a lai a chyh ta ama mo pachaosa ei ta, thachhâpa ta ochhi hmô thei khao leipa ei ta.

PUASAINA 4:11

Abeipa ta a hnohta, “Ahy ma chyhsapa pakah he a tao? Reih pathlie thei leipazy, nahpâpazy, mopavâpazy nata mochaopazy chhao he, ahy taopa ma a châ? Kei Abeipa ta ei taopa châ vei ma?

HMOTAOPAZY 13:11

Chavâta tahmâ moh teh, Abeipa ku na chô liata tla ha ta, na mo chao aw ta, daihti khasâ chhôh ma cha noh khaihpa hmô aw va chi,” tah ta. Ameih nata zohna ta thlai vaw khu ta, chaaotuhpa tluapa ta pathâpazi ta.

HMOTAOPAZY 22:11

Khaihpa cha a pathlie tupa vâta, ei mo ta hmô thei khao leipa ta, ei hnohta a ypazy ta ku ta na chaao ei ta, Dâmaskâ cha a ngia na ta.

HMOTAOPAZY 9:18

A mozy tawhta phuhlupa hawhta thlai za tla ta, a mo vaw pavâ ha ta. Chatawhcha thyu ta, bâti châ ta.

HMOTAOPAZY 9:9

Noh thôh chhôh cha hmô thei leipa nata khâpa hmah niedoh leipa ta y ta.

2 KAWRINI 11:32

Dâmaskâ khih liata deikua cha, Bei Aretâ ry liata ryureituhpa ta na patu awpa ta Dâmaskâ khihpi cha pavaisa ta,

KALATIA 1:17

Kei hlâta lyuhchâpa a châ tuapazy a hmô awpa ta Zerusale lâ khy hra va na. Arabia râh lâ tlao sie na ta, Dâmaskâ khih lâ ei vaw lie heih.