HMOTAOPAZY 9:22 - Mara Bible RV (BSI)

²² Sawla cha a thatlô via lymâ ta, Zisu cha Mesia a châ tahpa ta chhopasia ta, Dâmaskâ liata Zu chyhsa a ypazy cha cha-ohsa thlâh tyh ta.

HMOTAOPAZY 9:22 Cross References

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

ZAWBÂ 17:9

Mosiapa cha a lâpi khâchâ patu ta, Ku pathaihpa cha a thatlô rili tyh.

HLAZY 51:13

Chatanachata paraotuhpazy na lâpi pachu aw ei na ta, Moleipazy nâ lâ ama vaw kua aw.

HLAZY 84:7

Sie ei ta ama thatlô via rili ta, Zaio liata Khazohpa hnohta amâ luah hlâlei ama sie lymâ.

ISAI 40:29

Panaopa hnohta hmotaotheina pie ta, Chiehleipa châta thatlôna a papôh tyh.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

HMOTAOPAZY 17:3

Mesia cha riethei a tao awpa a châna nata athihpa hry tawhta a thyu heih awpa kyhzy chhopasiapa ta, pahmô pasiasa tyh ta, “He Zisu, a thâtih ei cha chhopa ei he, Mesia cha a châ,” tah ta.

HMOTAOPAZY 18:5

Mâsidônia tawhta Sila nata Timawthy ama vaw tlô nahta, Pawla cha biechho chakaona liata a hmâh hluh via ta, Zisu kha Mesia a châ tahpa ta Zuzy hnohta â châhkhei tyh.

HMOTAOPAZY 28:23

A noh taih ei ta, cha noh liata a tlôna o liata chyhsa hluhpi ta vaw pangai ei ta. My tawhta zâlâ taihta âmo cha chhopasia ta, Khazohpa khinarâh a châhkheipa ta, Mawsi ryhpa nata hrohsopazy châbu liata Zisu kyh reipa ta Zuzy cha pahnie a chhuah ta.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

HMOTAOPAZY 9:21

A bie a theipa zydua ta ama noâh kaw ta, “He chyhsa he Zerusale liata, he moh a padopazy a taola tyhpa kha châ vei mâ? Cha chyhsazy cha chahry ta, theihthai beizy lâ a chhi awpa ta, he lâ â vypa châ vei ma,” tah ei ta.

HMOTAOPAZY 9:23

Noh hluhpi a khô tawhta, Sawla thie awpa ta Zuzy cha a chhohia ei ta.

HMOTAOPAZY 9:27

Bânabâ deikua ta ano cha a pyh ta, lyuhchâpazy lâ vawkhei ta, lâpi liata Abeipa hmô ta, Abeipa ta a hnohta bie â chhopa kyh zy, Dâmaskâ liata Zisu moh ta riahpha ngaitapa ta bie a chhopa kyh zy pachupazy hnohta reih ta.

1 KAWRINI 1:27

Châhrasala Khazohpa ta asopazy maoh paphyuh nawpa ta, khizaw hmo hrupazy tlao a tlyh ta, thatlôpazy maoh paphyuh nawpa ta, chiehleipazy tlao â tlyh.

KALATIA 1:18

Kô thôh khai tawhta, Kephâ a hmô awpa ta Zerusale lâ khy na ta, a hnohta noh hrawh hleipangawh châh na ta.

PHILIPI 4:13

Tha nâ patlôtuhpa Krista liata ato ei tao thei.

1 TIMAWTHY 1:12

Ngâchhihpa ta na pachâ ta, ano chakao awpa ta na rao ta, thatlôna nâ pietuhpa eima Beipa Krista Zisu hnohta alyna bie ei reih.