HMOTAOPAZY 9:15 - Mara Bible RV (BSI)

¹⁵ Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

HMOTAOPAZY 9:15 Cross References

ZEREMIAH 1:5

“Py chhôh liata ei cha tao hlâ tawhta cha pahno na ta, Chhi tawhta na pua hlâ tawhta cha pathaisapa ta, Phopizy lâta hrohsopa ta ei cha rao,” tah ta.

ZEREMIAH 1:7

Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

MATHAI 10:18

Zenitaizy hmiakô liata bie pahnotuhpazy châ awpa ta, keima vâta ryureituhpazy nata abeizy hmiakô liata ama châ chhi aw.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

HMOTAOPAZY 13:2

Abeipa a chhypa ta kâhvileipa ta ama y hai nota, Thlahpa Pathaihpa ta, “Bânabâ nata Sawla kha âmo ei awna chhâpa rai hria awpa ta na pananopa teh u,” tah ta.

HMOTAOPAZY 21:19

Pawla ta âmo cha â naoh khai nah ei ta, a chakaona hmâpa ta Khazohpa ta Zenitaizy hry liata hmo a taopazy miakha miakha ta reih ta.

HMOTAOPAZY 22:14

Anania ta, ‘Miah pathlatuhpazy Khazohpa ta a khopa pahno awpa nata Mo Siapa hmô ta, a pakah tawhta ao thei awpa ta a cha rao.

HMOTAOPAZY 22:21

Châhrasala Abeipa ta, ‘Sie mah y, lâhlapi ta Zenitaizy lâta ei cha tuah aw,’ na tah ta,” tah ta.

HMOTAOPAZY 25:22

Akripâ ta Festâ hnohta, “Kei chhao, cha chyhsa bie reipazy nathlie awpa ei khoh kaw,” tah ta. Festâ ta, “A biereipa cha mylâ na nathlie aw,” tah ta.

HMOTAOPAZY 26:1

Akripâ ta Pawla hnohta, “Na thaichâna bie na reih thei,” tah ta. Pawla cha a ku pazawh ta, a thaichâna bie reih ta.

HMOTAOPAZY 26:32

Akripâ ta Festâ hnohta, “He chyhsa he Kaisarâ kô tlô awpa a haw leipa sala cha, papua theipa a châ,” tah ta.

HMOTAOPAZY 27:24

ei hnohta, ‘Pawla, chi khah y, Kaisarâ hmiakô liata nâ duah awpa a châ. Moh teh, na hnohta balyh liata a siepa zydua chhao kha, Khazohpa ta a cha pie,’ eina tah.

HMOTAOPAZY 28:17

Noh thôh a châ tawhta, Pawla ta Zu chyhsa hyutuhpazy awpakhy ta, amâ vypakhy nahta, ama hnohta, “Unawh saih u, eima phopi nata miah pathlatuhpazy phoryhpa chakhiapa ta khâpa hmo hmah ei tao leina chôta na patâh ei ta, Zerusale tawhta Rawma mo ku liata hlâpa ei châ.

HMOTAOPAZY 28:28

Chavâta Khazohpa pachhana bie cha Zenitaizy lâta paphaopa a châ haw tahpa pahno teh u. Âmo ta la ama nathlie aw,” tah ta.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 11:13

Tahmâ nâmo, Zenitaizy hnohta ei reih. Zenitaizy lyuhchâpa ei châpa he, rônah ei tah ngaita.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 9:16

Thâtihpha ei chhopa chhao heta, a palai nawpa hnei va na. Tao lei thei lei awpa ta ei chô liata a pahnieh tlôh ta. Thâtihpha ei chho vei khiahta la, ei hu a po aw!

KALATIA 1:1

Kei, lyuhchâpa Pawla, chyhsa tuapa châ leipa ta, chyhsa zawhzi ta châ hra leipa ta, Zisu Krista nata thina tawhta Zisu a pathyutuhpa Paw Khazohpa zawhzi ta lyuhchâpa rai a hriapa nata

EPHESI 3:1

Cha vâna chata kei, Pawla, nâmo Zenitaizy châta Krista Zisu vâta atâhpa heta ei cha chho ei.

1 TIMAWTHY 2:7

Cha châna chata biechhotuhpa nata lyuhchâpa ta raopa châ na ta, biehmeiseihpa nata ngiapâna kyh liata Zenitaizy pachutuhpa ta raopa ei châ. Biedopa ei reih, haih va na.

2 TIMAWTHY 1:11

Cha thâtihpha châta biechhotuhpa nata lyuhchâpa nata pachutuhpa ta raopa ei châ.

2 TIMAWTHY 2:4

Pheisaih ahy hmahta a dyuh nota hrochhôh khihsana a tymâkhei beih leipa ta, pheisaih châ awpa ta a tlyhtuhpa palysa tlao â chhuah.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.