HMOTAOPAZY 8:30 - Mara Bible RV (BSI)

³⁰ Phili cha a kei râ ta, hrilyupa ta hrohsopa Isai châbu a rei haipa thei ta, a hnohta, “Na reipa kha a yzie na pahno ma?” tah ta.

HMOTAOPAZY 8:30 Cross References

HLAZY 119:32

Ei palôh na pahy kawh tita, Na biepiepazy lâpi a chhipa ta ei râ aw.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

MATHAI 13:19

Ahy rai khinarâh bie thei ha tlôh ta, a pahno thai vei khiahta cha, moleipa a vy ta, a palôh liata chi hiepa cha a lapa ha tyh. Cha cha lâpi liata chi hiepa cha a châ.

MATHAI 13:23

Lei phapa liata chi hiepa deikua cha, bie cha thei ta a pahno thaipa a châ. Thei pathei ta, thokha a lie za kha, thokha a lie sycharu nata thokha a lie sythôh ta a pathei tyh,” tah ta.

MATHAI 13:51

“Cha hmo zydua cha nama pahno thai khai ma?” tah ta. Âmo ta a hnohta, “Eima pahno,” tah ei ta.

MATHAI 15:10

Chatawhcha zawpizy ano lâ awpakhy ta, ama hnohta, “Nathlie u la, pahno teh u.

MATHAI 24:15

“Chatawhcha hrohsopa Dâniah reipa, roryhrana patlôsatuh pasichhihpa kha, su pathaihpa liata â duapa nama hmô aw. He bie a reihtuhpa ta a yzie pahno mawh sy.

MÂKA 13:14

“Châhrasala roryhrana pasichhihpa cha â dua lei nawpa su liata â duapa nama hmô tita, Zudia liata a ypazy cha tlâh lâ a râ mawh ei sy. A reihtuhpa ta a yzie pahno thai mawh sy.

ZAWHÂNA 4:34

Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.

ZAWHÂNA 5:39

Biehrai bie nama tlua tyh, a chhôh liata chhâzaw hrona a y tahpa nama pangiasapa vâta. Cha Biehrai tlai cha nâ pahnokheituhpa a châ.

HMOTAOPAZY 8:27

Phili cha thyu ta, sie ta. Ethiôpia chyhsa pakha y ta. Ano cha Ethiôpia beinô Kandaki ry liata molaipa, hrilyupa châ ta, abeinô sôh mohôhtuhpa a châ. Khazohpa a chhy awpa ta Zerusale lâ khy ta.

HMOTAOPAZY 8:29

Thlahpa ta Phili hnohta, “Talailih lâ hao vawh la, a kei hnia teh,” tah ta.

HMOTAOPAZY 8:31

Ano ta, “Ahy hmahta eina chhopasia leipa ei ta cha, kheihta ma a yzie ei pahno thei aw?” tah ta. Talailih lâ kiah ta, a hnohta a tyuh awpa ta Phili cha hrua ta.

HMOTAOPAZY 8:5

Phili cha Samâri khihpi lâ zu ta, ama hnohta Krista thâtih chho ta.

1 KAWRINI 14:19

Chtahrasala Awnanopa pakhyna liata la, reihtheileipa ta biesâ thy kha reipa hlâta, mohropazy ei pachu thei nawpa ei ta, reih theipa ta biesâ miapangawh reipa pha ei tah via.

EPHESI 5:17

Chavâta hru leipa u la, Abeipa khopa khâpa ma a châ tahpa tlao pahno teh u.

BIEPHUAH 13:18

Cha chata sona hnei awpa a byuhzie a palâsa. Pahnona a hneipa ta sahrâhpa nuby cha a laichadai mawh sy. Chyhsapa nuby châ ta, a nuby cha 666 a châ.