HMOTAOPAZY 8:26 - Mara Bible RV (BSI)

²⁶ Abeipa vâlyuhchâpa ta Phili cha bie a chho ta, “Thyu la, Zerusale tawhta Kâza lâ zuna lâpi, chho lâta râhchawhpa a chapiapa lâpi lâta sie teh,” tah ta.

HMOTAOPAZY 8:26 Cross References

ÂTHAONA 10:19

Kâna mo râhri cha Sidaw khih tawhta Kerâ lâ sie lymâpa ta Kâza khih taih sie ta, cha tawhta Sawdawmâ, Kawmawrâ, Adamâ, nata Zebô khihzy lâta sie lymâ ta, Lâsâ khih taih a sie.

2 ABEIZY 1:3

Châhrasala Abeipa vâlyuhchâpa ta Tisabi chyhsa Elaizâh hnohta, “Thyu la, Samâri bei lyuhchâpazy a kaw tyh la, ama hnohta, ‘Izarei liata Khazohpa a y khao leipa vâta ma, Ekaraw khih khazoh Bâlâzebu a saohiah awpa ta ma nama sie?

1 THÂTIHZYRONA 22:16

Ngôh, tâkâ, dawh nata thua rai a hria thaipazy hluhpi na hnei hra. Thyu la, hria teh! Abeipa na hnohta y mawh sy!” tah ta.

ZEKARIA 9:5

Askelaw ta cha cha hmô aw ta, A chi kaw aw; Kâza chhao ta hmô aw ta, Pasa tah ngaitapa ta â taikalô aw; Ekaraw chhao â taikalô hra aw, A hnabeiseihna a lei hapa vâta. Kâza cha abeina pahlei aw ta, Askelaw liata chyhsa pahrâ khao aw veih ei.

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 10:7

Bie a chhotuhpa vâlyuhchâpa a sie nahta, Kawnilia cha a chakaotuhpazy hry liata chyhsa pano nata a vaituhpa pheisaihzy hry liata Khazohpa a pachâpa pheisaih pakha aw ta.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

HMOTAOPAZY 5:19

Châhrasala zâ ta Abeipa vâlyuhchâpa pakha ta patâhna o ochhizy cha vaw pahy ta, lyuhchâpazy cha papua ta, ama hnohta,

HMOTAOPAZY 8:29

Thlahpa ta Phili hnohta, “Talailih lâ hao vawh la, a kei hnia teh,” tah ta.

HMOTAOPAZY 8:5

Phili cha Samâri khihpi lâ zu ta, ama hnohta Krista thâtih chho ta.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

ZAWSUA 13:3

Izi râh kiapâh liata a ypa Sihaw tawhta maw lâta Ekaraw râhri taihta, Ekaraw cha Kâna râh hawhta pachâpa a châ; Philistinâ bei papangawh ryureina Kâza, Asadô, Askelaw, Kiti nata Ekaraw râhzy nata chho lâta Avimi râh;

ZAWSUA 15:47

Asadô nata a khihpizy nata ama khichapeihzy; Kâza nata a khihpizy nata ama khichapeihzy; Izi chavah taihta nata Tilaipi Laipa nata a ngiahkâzy liata a ypa khihpizy cha notla bypi lâta Zudâh khihpizy a châ khai.