HMOTAOPAZY 8:21 - Mara Bible RV (BSI)

²¹ Na palôh phaozie Khazohpa hmiakô liata â doleipa vâta, he hmo liata a hlao hra leipa chi ta, tovyuh chhao hnei va chi.

HMOTAOPAZY 8:21 Cross References

2 THÂTIHZYRONA 25:2

Abeipa mohmô liata hmo dopa tao ta, châhrasala palôh tlokhuh ta tao vei.

NEHEMIAH 2:20

Âmo cha a chhy ei na ta, ama hnohta, “Avâ Khazohpa ta vânoh miah a patosa aw. Keimo ano chakaotuhpazy thyu aw pi ta, khihpi he eima paduapathi aw. Nâmo deikua cha, Zerusale khihpi liana heta tovyuh nata biehneina nata a chhu thei awpa khâpa hmah hnei aw veih ei chi,” tah na ta.

HLAZY 36:1

Moleina ta moleipa palôh chhôh chaipa liata bie reih ta, Moleipa mohmô liata cha Khazohpa china rai y vei.

EZEKIA 14:3

“Chyhsa sawchapawpa y, he chyhsazy he ama khazoh nothlahpazy ama palôh liata soh ei ta, ama paraona ahluana lô ama hmia liata a sohpa ama châ hih. Einâ saohiah awpa ei ta ei paryhsa awpa a châ rai ma?

THEIHTHAINA 13:8

Theihthaipa ta moh aw ta, riatha cha a vo liata a kawh lymâpa a hmô khiahta cha, theihthaipa ta ano cha pathaih leipa a châ tahpa a phuah aw. Cha cha phawhpa hri a châ.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

HMOTAOPAZY 8:37

Phili ta a hnohta, “Na pathipalôh tlokhuh ta nâ ngiapâ khiahta cha, bâti na châ thei aw,” tah ta. Ano ta, “Zisu Krista cha Khazohpa Sawchapawpa a châ tahpa ei ngiapâ,” tah ta.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

RYHPACHANEINA 10:9

Chavâta Livai cha a unawhzy hry liata tovyuh nata ryuto hnei vei. Abeipa nama Khazohpa ta a hnohta a reipa hawhta, Abeipa cha a ryuto a châ.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

ZAWSUA 22:25

Abeipa ta Zawdâh he nâmo nata keimo likawh râhri châta rao ha ta, chavâta nâmo Rubena pathlazy nata Kâdâ pathlazy saih u, Abeipa liata tovyuh hnei hra veih ei chi,’ ama vaw tah pathlei aw tahpa eima chipa vâta a châ. Nama pathlazy ta eima pathlazy cha Abeipa a chhy khao lei awpa ta ama tao thei mâh tâh.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 20:6

Thyuheihna eikhana liata a hlaopazy cha nohlao ei ta, ama pathaih. Thina einona ta ama chô liata biehnei khao aw vei. Khazohpa nata Krista theihthaipazy châ aw ei ta, a hnohta kô sâh kha ryu ama reih aw.

BIEPHUAH 22:19

Ahy rai ta he hrohsona châbu liata biezy he a thy bâ khiahta cha, he châbu liata palâsapa hrona tho nata khihpi pathaihpa liata a tovyuh cha Khazohpa ta a lapa aw.