HMOTAOPAZY 8:2 - Mara Bible RV (BSI)

² Khazohpa a pachâpazy ta Stiphana cha pabu ei ta, a ri chô liata chaphôh thata tu ei ta.

HMOTAOPAZY 8:2 Cross References

ÂTHAONA 23:2

Sârâ cha Kâna râh Kiriathâbâ khih liata thi ta. Cha cha Hebraw a châ. Abarahâ cha Sârâ mâchhiesa awpa nata chakhei awpa ta sie ta.

ÂTHAONA 50:9

Talailihzy nata arâ a kiahpazy chhao a hnohta khy ei ta, py lai ngaitapa ama châ.

2 SAMUELA 3:31

Chatawhcha Dâvi ta Zôabâ nata a hnohta chyhsa a ypa zydua hnohta, “Nama chysiazy hrie u la, latho poh a bu u la, Abane hmiakô liata mâchhiesa teh u,” tah ta. Bei Dâvi ta Abane ri cha ano pôhpa tlai ta pathlie ta.

2 THÂTIHZYRONA 32:33

Hezekia cha a pathlatuhpazy hnohta a mô ta, Dâvi sawchapawzy thlâsu machhua lâta ama pabu. Zudâh râhsaw zydua nata Zerusale khihsaw zydua ta a thi noh ta rônah ngaitapa ta ama palyupalih. A sawchapawpa Manase ta ano su liata â bei.

2 THÂTIHZYRONA 35:25

Zeremiah chhao ta Zôsia chaphôhtuna hla sa ta, hlasathaipa chanô nata chapaw zydua ta, Zôsia pasai leina chaphôhtuna hlabiezy tanoh taihta ama reih ngâ thlâh ha chy. Zôsia pasai leina chaphôhtuna hla sapa cha, Izarei râh liata tao tyh awpa ryhpa ta a pyh ei ta, chaphôhtuna hlazy liata pahlaopa a châ.

ZEREMIAH 22:10

A thi hapa chakhei leipa u la, Mâchhie sapa hra khah u. Â paih hapa deikua cha, Vaw kua khao leipa aw ta, A pina râh a hmô heih khao lei awpa vâta, Thata cha­khei teh u.

ZEREMIAH 22:18

Chavâta Zôsia sawchapawpa Zudâh bei Zehôki kyh liata Abeipa ta hetana heta a tah: “‘Hy ei unawhpa! Hy ei sietanô!’ Tahpa ta chaphôhtupa leipa aw ei ta, ‘Hy abei! Hy bei rônah chaipa!’ Tahpa ­ta chaphôhtupa hra aw veih ei.

MALUHREINA 20:29

Arawna a thi haw tahpa zawpi ta ama pahno nahta, Izarei pathla zydua ta noh sythôh mâchhiesa ei ta.

MÂKA 6:29

Cha thâtih cha Zawhâna pachupazy ta ama pahno nahta, a ri la ei ta, thlâ liata ama pazia haw.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

HMOTAOPAZY 2:5

Avâ ry liata râh to tawhta Khazohpa a chipa Zu chyhsazy cha Zerusale liata y ei ta.

HMOTAOPAZY 8:1

Sawla chhao ta Stiphana ama thie awpa cha paryhsa ta. Cha noh tawhta, Zerusale liata Awnanopa cha taolana thata a tyh pathao ta. Lyuhchâpazy dei leipa cha, Zudia nata Samâri râhzy lâta paipatla khai ha ei ta.

HMOTAOPAZY 8:3

Sawla deikua cha Awnanopa taola lymâ ta, o to a ngia ta, a chanô chapaw ta a daophi ta, patâhna o liata khô lymâ ta.

RYHPACHANEINA 34:8

Izarei sawzy ta Mawsi cha Môabâ bypi liata noh sythôh chakhei ei ta. Mawsi chakheipa ta ama mâchhiesana nohzy cha chhâ ta.

1 SAMUELA 28:3

Samuela cha thi ha ta, Izarei zydua ta ano châta mâchhiesa ei ta, ano khih, Râmâ liata ama pabu hapa kha châ ta. Peihthaipazy nata dyuthaipazy chhao Sawla ta râh tawhta papua khai ha ta.