HMOTAOPAZY 8:1 - Mara Bible RV (BSI)

¹ Sawla chhao ta Stiphana ama thie awpa cha paryhsa ta. Cha noh tawhta, Zerusale liata Awnanopa cha taolana thata a tyh pathao ta. Lyuhchâpazy dei leipa cha, Zudia nata Samâri râhzy lâta paipatla khai ha ei ta.

HMOTAOPAZY 8:1 Cross References

NEHEMIAH 6:3

Âmo lâ lyuhchâpazy tuah na ta, ama hnohta, “Rai rônahpa hria hai na ta, a zu thei va na. Khazia nâmo lâ ei zu chhôh ta rai cha â chalih aw?” tah na ta.

DÂNIAH 6:10

Pakhâna biepiepa cha moh ro thlupa a châ haw tahpa a pahnopa nahta, Dâniah cha a o lâ thlai a di ta. A o chô chhâh opyzy cha Zerusale lâ paheipa ta pahypa châ ta. A vaw tao tyhpa hawhta, noh kha ta ei thôh a pakhu paneihpa ta, a Khazohpa hmiakô liata thlahchhâpa ta alyna bie reih ta.

DÂNIAH 6:23

Abei cha a ly ngaita ta, Dâniah cha lôpu tawhta thao awpa ta biepie ta. Dâniah cha lôpu tawhta thaoh ei ta, ano liata pasana khâpa hmah hmô awpa y vei, a Khazohpa khâchâ a ngâ hapa vâta.

MATHAI 22:6

Chyhsa hropazy ta a chakaotuhpazy cha vaw patu ei ta, noza chhih ngaitapa ta taopa ta, thie ei ta.

MATHAI 23:34

Chavâta hrohsopazy, chyhsa sopazy nata ryhpa pachutuhpazy ei cha vaw tuapa ei. Thokha thie aw ei chi ta, thokha nama khaipâ aw. Thokha cha namâ pakhyna ozy liata chhei aw ei chi ta, khi kha tawhta khi hro lâta nama taola laih lymâ aw.

MATHAI 5:13

“Chhaohlei alôh nama châ. Alôh cha a padâh ha khiahta cha, kheihta a iah thei khao aw? Khâpa châta hmah phahnai khao leipa aw ta, thy ta phei ta tlypâ awpa dei a châ aw.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 13:1

Antiôkâ Awnanopa sahlaozy hry liata hrohsopazy nata pachutuhpazy y ei ta. Chazy cha Bânabâ zy, Nikâ ama tahpa Simeôna zy, Kurini khihpa Lukia zy, Bei Herawda unawh heihpa Manaina nata Sawla zy ama châ.

HMOTAOPAZY 13:36

“Dâvi cha Khazohpa hmochhuahpazy ano chhâ liata a chakao khai tawhta, a mô ta, a pathlatuhpazy hnohta paziapa châ ta, a thuzao khai haw.

HMOTAOPAZY 2:47

Khazohpa reithai ei ta, chyhsa zydua modypa ta ama y tyh. Chatanachata pachha a châpazy cha, noh chareih ta Abeipa ta ama hnohta a baichha lymâ ei.

HMOTAOPAZY 22:20

Na bie a pahnotuhpa Stiphana thisaih ama palo nota, kei chhao a kiapâh liata a duah na ta, paryhsa na ta, ano a thietuhpazy chysia a vaituhpa ei châ,’ tah na ta.

HMOTAOPAZY 26:10

Cha hmozy cha Zerusale liata tao na ta. Theihthai beizy tawhta biehneina ei hmô tawhta, mopathaihpa hluhpi patâhna o liata ei khôpa dei châ leipa ta, ama thie nota chhao, thie awpa a paryhsa tyhpa ei châ.

HMOTAOPAZY 5:18

Lyuhchâpazy cha patu ei ta, vâtlâh patâhna o liata khô ei ta.

HMOTAOPAZY 5:20

“Vawh u la, Achhyna o liata a kei duah u la, he hrona bie zydua he, zawpi hnohta kei chho teh u,” tah ta.

HMOTAOPAZY 5:33

Cha biezy ama thei nahta, ama hie thata hâh ta, lyuhchâpazy cha thie a chhuah ei ta.

HMOTAOPAZY 5:40

A reipa cha pha tah ei ta, lyuhchâpazy cha aw ei ta, chhei ei ta, Zisu moh ta bie rei lei awpa ta biepie ei ta, ama pathlie haw.

HMOTAOPAZY 7:38

Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ.

HMOTAOPAZY 7:54

Cha biezy cha ama thei nahta, ama pathi ia ngaita ta, Stiphana cha ama hâh charieh chie ei ta.

HMOTAOPAZY 7:58

Khihpi khôtho lâ papua ei ta, alô ta vawh ei ta. Bie pahnotuhpazy ta satlia pakha, Sawla ama tahpa phei thaby liata ama pohzy soh ei ta.

HMOTAOPAZY 8:14

Zerusale liata a ypa lyuhchâpazy ta Samâri khih mo ta Khazohpa bie amâ ngiapâ hapa thâtih ama thei nahta, Pity nata Zawhâna cha âmo lâ tuah ei ta.

HMOTAOPAZY 8:2

Khazohpa a pachâpazy ta Stiphana cha pabu ei ta, a ri chô liata chaphôh thata tu ei ta.

HMOTAOPAZY 8:4

Paipatlapazy cha su to liata siepa ta, bie chho lymâ ei ta.

HMOTAOPAZY 8:5

Phili cha Samâri khihpi lâ zu ta, ama hnohta Krista thâtih chho ta.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

PHILIPI 1:12

Unawh saih u, ei chô liata hmo a vaw tlôpazy kha, thâtihpha râh pakawh nawpa a châ tahpa nama pahno awpa ei khoh.

HEBRAI 11:27

Ngiapâna ta bei hiehâhna chhao chi leipa ta, Izi râh puasai ta, hmô thei leipa a hmôpa vâta pasa a tao hualua.