HMOTAOPAZY 7:55 - Mara Bible RV (BSI)

⁵⁵ Châhrasala Stiphana cha Thlahpa Pathaihpa ta biepa ta, vârâh lâ sai ta, Khazohpa rônahna nata Khazohpa chachâh lâta Zisu â duahpa hmô ta.

HMOTAOPAZY 7:55 Cross References

HLAZY 109:31

Abeipa cha phahlapa chachâh lâta a duah ta, Thi awpa ta thailei a pachâsatuhpazy ku tawhta pachhatuhpa a châ.

EZEKIA 10:18

Chatawhcha Abeipa rônahna cha Achhyna o chhikao tawhta pua ta, cherubizy chô liata a kei duah ta.

EZEKIA 10:4

Abeipa rônahna cha cherubizy tawhta thyu ta, Achhyna o chhikao lâ a kaw pasie ta. Achhyna o cha meihdo ta bie ha ta, dôhpachhôh tlyhmia cha Abeipa rônahna khaihna ta a bie haw.

EZEKIA 11:23

Abeipa rônahna cha khihpi tawhta kiah ta, khihpi nochhi lâta tlâhpi liata a duah ta.

EZEKIA 3:23

Chatanachata thyu na ta, saikao by lâ cha sie na ta. Cha liata Abeipa rônahna a vaw duah thlâh hapa hmô na ta. Khebâ chavah kiah liata rônahna ei hmôpa hawhpa kha a châ. Chatawhcha â khu lâta pao na ta.

MIKÂ 3:8

Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

ZAWHÂNA 11:41

Alô cha pasie ei ta. Zisu cha avâ lâ ua ta, “Ei Paw, ei bie na nathliepa vâta alyna bie ei cha hlâ.

ZAWHÂNA 12:41

A rônahzie hmô ta, a thâtih a chhopa vâta, cha biezy cha Isai ta a reipa a châ.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

HMOTAOPAZY 4:8

Pity cha Thlahpa Pathaihpa ta bie ta, ama hnohta, “Phopi ryureituhpazy nata machâzy saih u,

HMOTAOPAZY 6:10

Châhrasala sona nata Thlahpa ta bie a reipazy cha ei thei leipa ei ta.

HMOTAOPAZY 6:3

Chavâta unawh saih u, nama hry liata Thlahpa nata sona ta a biepa, chyhsa moh phapa pasari a tlyh teh u, cha hmozy a pachâtuhpa châta âmo cha eima rao aw.

HMOTAOPAZY 6:5

Cha bie chata zawpi zydua palysa ta, ngiapâna nata Thlahpa Pathaihpa ta a biepa Stiphana nata Phili, Prôkôrâ, Nikanaw, Timô, Pâmenâ nata Zuzy phohlypa Antiôkâ khihpa Nikôla zy a tlyh ei ta.

HMOTAOPAZY 6:8

Stiphana cha ngiachhiena nata hmotaotheina ta bie ta, chyhsazy hry liata ngiana nata hmonoâhpa rônah ngaitapazy tao lymâ ta.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

2 PITY 1:17

Rônahna Beichaipa tawhta, “He he ei Sawchapawpa kho ngaitapa, a chô liata ei ly ngaitapa a châ,” tahpa ta ao vaw pua ta, Krista cha Paw Khazohpa tawhta palyupalihna nata rônahna a to nona kha,

BIEPHUAH 21:11

Khazohpa rônahna hnei ta, a khaihnazie cha lôsôh ngaitapa zaspi lô hawhta châ ta, lôsôhpa pasohpa hawhta patliepa a châ.