HMOTAOPAZY 7:45 - Mara Bible RV (BSI)

⁴⁵ Cha achhyna byureih cha miah pathlatuhpazy pathla pachhuahpazy chhao ta chhy lymâ ei ta. Khazohpa ta miah pathlatuhpazy hmiakô liata phopizy papua ta, Zawsua chhaota râh ama kei pahrâ nona khata a ngiakhei ei ta. Cha achhyna byureih cha Dâvi daihti taihta y ta.

HMOTAOPAZY 7:45 Cross References

1 ABEIZY 8:4

Abeipa Byh, ahmaohna poh o nata poh o liata hmobaoh pathaihpa zydua a sy ei ta. Chazy cha theihthaipazy nata Livai chizy ta amâ sy.

1 THÂTIHZYRONA 16:39

Kibiô su sâhpa liata Abeipa byureih liata chakaona raihria awpa ta, theihthaipa Zadô nata a unawhpa theihthaipazy soh hra ta.

1 THÂTIHZYRONA 21:29

Cha nona cha, Mawsi ta râhchawhpa liata Abeipa achhyna byureih nata raopa hlâna maisâh a taopazy kha Kibiô khihpi su sâhpa liata y thlâh ha chy ta.

1 THÂTIHZYRONA 7:27

Elisâmâ sawchapawpa cha Nunâ châ ta, Nunâ sawchapawpa cha Zawsua a châ.

NEHEMIAH 9:24

Chatanachata ama pathlazy ta a ngia ei ta, râh cha ama hnei. Râh liata a pahrâpa Kâna mozy ama hmiakô liata panawhsa chi ta, ama khopa hawhta tao awpa ta, cha râh liata phopizy nata ama beizy cha Izarei sawzy ku liata na pie ei.

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

HLAZY 80:8

Izi tawhta kre zôh vaw phaoh chi ta, Phopizy papuapa ta, Ama râh liata na kre zôh na loh.

HMOTAOPAZY 13:19

Kâna râh liata phopi mia sari a panawh khai tawhta, Kâna mo râh cha ama ryuto râh châta a pie ei.

RYHPACHANEINA 32:49

“Môabâ râh liata Zerikô dady ta Abari tlâhthlôh liata Nebô Tlâh lâ khy la, hnei awpa ta Izarei sawzy hnohta ei piepa Kâna râh cha kaw sai mah y.

HEBRAI 4:8

Zawsua ta apahâna a vaw pie ha khiah ei ta cha, cha hnôhlâ ta noh hropa kyh Khazohpa ta reih khao aw vei.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

ZAWSUA 23:9

Abeipa ta chi laipa nata thatlôpazy nama hmiakô tawhta papua khai ta, nama hmiakô liata a duah theipa tanoh taihta ahy hmah y veih ei.

ZAWSUA 24:18

Abeipa ta phopi zydua, cha râh liata a pahrâpa Amawri mo chhao, eima hmiakô tawhta a papua khai ei. Chavâta keimo chhao Abeipa eima chakao aw, ano cha eima Khazohpa a châ,” tah ei ta.

RYUREITUHPAZY 18:31

Chatanachata Mikâ taopa nothlahpa khaipa cha, Silô khih liata Khazohpa o a y chhôh zydua cha, cha liata a y lymâ.

1 SAMUELA 4:4

Silô lâ cha chyhsa tuah ei ta, cherubizy likawh beidyuchhai liata patyupa Pheisaihzy Abeipa Biehrai Byh cha kei palasa ei ta. Eli sawchapawpa pano, Hôphani nata Phinehâ zy cha Khazohpa Biehrai Byh hnohta sie hra ei ta.