HMOTAOPAZY 6:1 - Mara Bible RV (BSI)

¹ Cha nohzy liata, pachupazy ama pôh via lymâ nahta, noh chareih ama hmo raipa liata ama nôhmeizy ama pachâ tyh leipa vâta, Krikâh Zuzy cha Hebraizy chô liata paphôh ei ta.

HMOTAOPAZY 6:1 Cross References

ZAWBÂ 29:13

Thi daihmâpa byhnâ awna ei chô liata vaw tlô ta, Nôhmei palôh cha lyna hla sapa ta ei paysa.

ZAWBÂ 31:16

“Dyhchhiepazy khopa pakhâpa ta, Nôhmei mo pabâ aw sah la;

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY 72:16

Râh liata kô thata veih sala, Tlâhpizy liata sâh a chanei mawh sy. A thei cha Lebanaw hawhta châ sala, Khihpi chyhsazy chhao lyurâh sibiepa hawhta, Ama paw pakai mawh ei sy.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 27:6

Noh a vaw tlô awpazy liata, Zakaw cha thari thla aw ta, Izarei cha a chhyh thaopa ta a paw pawh aw ta, Khizaw zydua he a thei ta a pabie aw.

ZEREMIAH 30:19

Ama hry tawhta alyna bie reina hlazy vaw pua aw ta, Thaphapa ta awhna pyuzy a vaw pua aw. Ama maluh papôh aw na ta, Maluh chyhta châ aw veih ei; Parônahsa aw ei na ta, Anawhpa châ aw veih ei.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

HMOTAOPAZY 11:20

Ama hry liata thokha cha Kuparâ liahpahlô nata Kurini chyhsazy châ ei ta, cha chyhsazy chata Antiôkâ khih ama tlô nahta, Krikâh mo hnohta chhao bie reih ei ta, Abeipa Zisu thâtih chho ei ta.

HMOTAOPAZY 11:26

A hmô nahta, Antiôkâ lâta a vaw chhi ta. Kô kha chhôh tlai Awnanopa apakhyna liata a hlao ei ta, chyhsa hluhpi ama pachu lymâ. Antiôkâ liana heta pachupazy cha Krizyhpazy tahpa ta aw tuapa ama châ.

HMOTAOPAZY 11:29

Chatanachata pachupazy cha, ama tao theipa rakha chyu ta, Zudia râh liata unawh a ypazy lâ baona paphao a chhuah ei ta.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 2:45

Ama ryuzy, ama sôhzy zuah ei ta, amâ ngiahpa chyu hawhta ama zydua ta a rai tyh ei ta.

HMOTAOPAZY 2:47

Khazohpa reithai ei ta, chyhsa zydua modypa ta ama y tyh. Chatanachata pachha a châpazy cha, noh chareih ta Abeipa ta ama hnohta a baichha lymâ ei.

HMOTAOPAZY 4:35

lyuhchâpazy phei thaby liata soh ei ta, ama byuhpa rakha chyu ta amâ rai tyh.

HMOTAOPAZY 4:4

Châhrasala ama bie a theipa hry liata chyhsa hluhpi ta a ngiapâ ei ta, ama hluhna zie cha maluh sâh pangawh rachhôh ama châ.

HMOTAOPAZY 5:14

Ngiapâtuhpa hluhpi a chanô chapaw ta Abeipa lâ amâ baichha via lymâ.

HMOTAOPAZY 5:28

“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta.

HMOTAOPAZY 6:2

Pahrawh hleinozy ta pachupa zydua awpakhy ei ta, “Tlâhkhai liata chakaona peimawhpazy vâta, Khazohpa bie chho bâhsaipa pha aw vei.

HMOTAOPAZY 6:7

Chatawhcha Khazohpa bie cha pôh lymâ ta, pachupazy maluh cha Zerusale liata thata pôh ta, theihthaipa hluhpi chhao ta zo ei ta, amâ ngiapâ haw.

HMOTAOPAZY 9:29

Krikâh Zuzy hnohta bie reipa ta, ama biezy chakhia tyh ta. Krikâh Zuzy ta Sawla cha thie a chhuah ei ta.

HMOTAOPAZY 9:39

Pity cha thyu ta ama hnohta sie ta. O a tlô nahta, o chô chhôhpadâhpa lâ a chhi ei ta. Nôhmei zydua cha a kiapâh liata a duahpa ta, Dawkâsi a hro nota viahkao a biehpa nata chysia hropa a biehpazy pahmô ei ta, thata cha ei ta.

HMOTAOPAZY 9:41

Pity ta a ku hlâ ta, Tâbi cha pathyu ta. Mopathaihpazy nata nôhmeizy cha aw ta, Tâbi cha a hrohpa ta âmo pahmô ta.

RAWMA 12:7

chakao awpa a châ khiahta cha chakao sih la, pachutuhpa ta pachu sala,

1 KAWRINI 10:10

Ama hry liata thokha ta paphôh ei ta, pahleipadiatuhpa ta a pahleipadia hapa hawhna ei khata, keimo la paphôh khah ei suh u.

2 KAWRINI 11:22

Hebrai chyhsa ama châ ma? Kei chhao ei châ. Izarei chyhsa ama châ ma? Kei chhao ei châ. Abarahâ pathla ama châ ma? Kei chhao ei châ.

RYHPACHANEINA 26:12

“Kô thôhna kô, su hrawh su kha piena kô liata, kô veihpa zydua tawhta su hrawh su kha soh aw ei chi ta, nama yna khih liata Livai chi a ypazy, mapaihpazy, paw hnei leipazy nata nôhmeizy ta nie ei sala, rihbiepa ta ama y thei nawpa ta nama pie aw.

PHILIPI 3:5

Noh chariena noh ta chopawtaipa, Izarei phopi pathla, Benzami chi, Hebraizy hry liata Hebrai pachaipa ei châ. Ryhpa kyh liata Phârisaih châ na ta,

1 TIMAWTHY 5:3

Nôhmei hmeiseihpazy cha za mah y.

1 TIMAWTHY 5:9

Nôhmei cha kô sycharu chô lâ chanô châ sala, vahpa pakha dei a vaw hneipa,

HEBRAI 13:1

Unawh kyhpachâna y lymâ mawh sy.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

ZÂMIE 4:5

Biehrai ta, “Keimo liata pahrâ awpa ta a taopa thlahpa cha tlaichhai ta a hiatlia ngaita,” a tahpa he achhuahna y leipa ta a reipa a châ na ta nama pangiasa ma?

ZÂMIE 5:9

Unawh saih u, seipa ta nama y lei nawpa ta, nâmo nata nâmo a paphôh thlu khuh vy. Moh tua u, Ryureituhpa cha ochhi thaby liata â duah thlâh haw.