HMOTAOPAZY 5:9 - Mara Bible RV (BSI)

⁹ Pity ta a hnohta, “Khazia Abeipa Thlahpa pasia awpa ta bie namâ paraoh? Moh teh, na vahpa a pabutuhpazy phei cha ochhi ama vaw tlô ha huh, nâ chhao khôtho lâ amâ châ sy aw,” tah ta.

HMOTAOPAZY 5:9 Cross References

ÂTHAONA 20:13

Khazohpa ta ei paw o tawhta eina paviavisa nona khata, a hnohta, ‘Hetana heta ei chôta na kyhpachâna na palâsa aw. Eima tlôna su lia maihta, “Ei rilâhpa na a châ,” eina tah lymâ aw chi,’ tahpa ta ei vaw chho hapa tlai a châ,” tah ta.

2 ABEIZY 6:32

Elaisâh cha a o liata a tyuh thlâh ha ta, machâzy a hnohta a tyuh ei ta. Abei ta a hmia lâta chyhsa pakha tuah ta. Châhrasala lyuhchâpa a kei tlô hlâta Elaisâh ta machâzy hnohta, “Lianycheituhpa ta ei luh la awpa ta chyhsa a vaw tuapa hao nama hmô ma? Lyuhchâpa a vaw tlôpa nahta ochhi khaw khâh u la, ochhi liata khâchâ pakhâ ha muh vy. A zibeipa phei pyu ta a vaw pazi pâ haw,” tah ta.

HLAZY 50:18

Aparupa na hmô nahta, A chô liata a ly chi ta, Apheipazy nâ kao tyh.

HLAZY 78:56

Chatanachôta Chônôchai Khazohpa cha pasiapa ta chakhia ei ta, A bieraopazy zyh veih ei.

PUASAINA 17:2

Chavâta zawpi ta Mawsi cha a hryuh ei ta, “Ti do awpa miah pie teh,” tah ei ta. Mawsi ta ama hnohta, “Khazia einâ hryuh ei chi, khazia Abeipa nama pasia,” tah ta.

PUASAINA 17:7

Izarei sawzy paphôhna vâta nata, “Eima hry liata Abeipa a y ma, y vei ma?” tahpa ta Abeipa ama pasiapa vâta, cha su cha a moh Mâsâ nata Meribâ a bi.

BIESOZY 11:21

Hmeiseihta ta moleipa cha hrie leipa ta y leipa aw ta, Mosiapa pathlazy deikua cha pa­chhapa ta ama y aw.

BIESOZY 16:5

Palôh laipa chyhsa cha Abeipa châta pasichhihpa châ ta, Hriena khôkhâh cheita aw vei.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MATHAI 4:7

Zisu ta a hnohta, “‘Abeipa na Khazohpa na pasia awpa châ vei,’ tahpa ropa a châ hra,” tah ta.

LUKA 16:2

Sôh mohôhtuhpa cha aw ta, a hnohta, ‘Na thâtih ei theipa he khâpa ma a yzie? Sôh na mohôhna rona châbu vaw pangia teh. Sôh mohôhtuhpa châ thei khao aw va chi,’ tah ta.

HMOTAOPAZY 15:10

Chavâta khazia ma, miah pathlatuhpazy nata keimo chhao ta eima pahnie leipa raopakypa cha, tahmâ pachupazy rao liata pahniepa ta Khazohpa chakhia namâ chhuah tly?

HMOTAOPAZY 5:6

Satliazy thyu ei ta, poh ta pahly ei ta, khôtho lâ a sy ei ta, pabu ha ei ta.

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

1 KAWRINI 10:9

Ama hry liata thokha ta Abeipa pasia ei ta, parih ta a pahleipadia hapa hawhna ei khata, keimo la Abeipa pasia khah ei suh u.