HMOTAOPAZY 5:42 - Mara Bible RV (BSI)

⁴² Noh chareih Achhyna o liata nata o to tlypa ta, Zisu cha Mesia a châ tahpa bâh leipa ta pachu ei ta, ama chho lymâ.

HMOTAOPAZY 5:42 Cross References

2 SAMUELA 6:22

Kha hlâta zakhei a chhih viapa ta y aw na ta, na mohmô liata ei nawh via rili aw. Anodeikua la chakaotuhpa chanôzy kyh na reipa khaw, âmo khata la eina palyupalih aw ei,” tah ta.

LUKA 21:37

Zisu cha nohchhô ta Achhyna o liata pachu ta, zâ a vaw châ nahta, pua ta Ôli tlâh liata a rie tyh ta.

LUKA 22:53

Achhyna o liata nama hnohta noh chareih y na ta, na hria tlôh ei chi va. Châhrasala tahmâ he nâmo daihti châ ta, zohna biehneina daihti a châ,” tah ta.

HMOTAOPAZY 11:20

Ama hry liata thokha cha Kuparâ liahpahlô nata Kurini chyhsazy châ ei ta, cha chyhsazy chata Antiôkâ khih ama tlô nahta, Krikâh mo hnohta chhao bie reih ei ta, Abeipa Zisu thâtih chho ei ta.

HMOTAOPAZY 13:32

Pathlatuhpazy hnohta Khazohpa ta bie â taihpa thâtihpha kha eima cha vaw chho hih.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 17:3

Mesia cha riethei a tao awpa a châna nata athihpa hry tawhta a thyu heih awpa kyhzy chhopasiapa ta, pahmô pasiasa tyh ta, “He Zisu, a thâtih ei cha chhopa ei he, Mesia cha a châ,” tah ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 20:20

Ei bâh pathliah beih leipa na ta, nama châta a phahnai awpa biezy zawpi ahmaohna liata cha pachu ei na ta, o to kiapa ta ei cha pachu tyh ei.

HMOTAOPAZY 4:20

Keimo la hmo eima hmôpa nata eima theipazy reih leipa ta y thei ma pi,” tah ei ta.

HMOTAOPAZY 4:29

Hy Abeipa, ama pachhiparynazy he pachâ tua. Châ chakaotuhpazy he riahpha ngaitapa ta na bie reih lymâ awpa ta miah bao mah y.

HMOTAOPAZY 8:35

Phili cha a pakah â ta, cha Biehrai bie tawhta pathaopa ta, Hrilyupa cha Zisu thâtihpha chho ta.

HMOTAOPAZY 8:5

Phili cha Samâri khihpi lâ zu ta, ama hnohta Krista thâtih chho ta.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

1 KAWRINI 2:2

Zisu Krista nata khaipâpa ta a ypa kyh dei leipa cha, nama hry liata khâpa hmah pahno a chhuah va na.

KALATIA 1:16

Zenitaizy hry liata a thâtihpha ei chho thei nawpa ta, Khazohpa ta a Sawchapawpa cha palôhtlâh ngaitapa ta kei liata a vaw paluahsa. Kha nona kha ahy hmah a saohiah veih ei na.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.