HMOTAOPAZY 5:4 - Mara Bible RV (BSI)

⁴ Râh cha a y chhôh zydua kha nâma eih châ vei mâ? Na zuah tawh chhao ta nâma rei sai châ pyly vei ma? Khazia he hawhpa hmo tao khohna palôh na hnei tly? Chyhsapa a dôveipa châ va chi, Khazohpa a dôveipa na châ,” tah ta.

HMOTAOPAZY 5:4 Cross References

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

1 THÂTIHZYRONA 29:3

Cha dei châ vei, o pathaihpa châta ei pachhuapanohpazy hleikhô ta, keima ngôh nata tâkâ zy chhao ei pie pâ hra. Ei Khazohpa o he ei pachâ peimawh ngaitapa vâta, ei Khazohpa o châta ei piepa a châ.

1 THÂTIHZYRONA 29:5

zôthaipazy ta ngôh nata tâkâ ta tao awpa hmo zydua ama tao nawpa châta keima sôh tawhta ei pie. Tanoh he ahy ma Abeipa châta ano kho tlai ta a pie hra aw?” tah ta.

1 THÂTIHZYRONA 29:9

Âmo khopasana tlai ta ama piepa a châpa vâta zawpizy cha amâ ly ngaita. Pathipalôh tlokhuh ta Khazohpa lâ âmo lôhthai ta ama piepa a châ. Bei Dâvi chhao â ly ngaita.

ZAWBÂ 15:35

Nôpona saw phaopa ta, Moleina saw sa ei ta, Ama chhi ta dôveina a papua tyh,” tah ta.

HLAZY 139:4

Hy Abeipa, ei paleih liata bie a y hlâ chhao ta, Na pahno chhielie khai tyh.

HLAZY 7:14

Moh teh u, moleipa ta paraona saw a zeih ta, Chhoruna saw phaoh ta, Haipa saw a sa tyh.

PUASAINA 16:8

Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

PUASAINA 35:29

Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

BIECHHOTUHPA 5:5

Bie a taih tlôh ta patlô leipa hlâta cha, bie a taih leipa a pha via.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

EZEKIA 38:10

“Abeipa Zehôvâh ta hetana heta a tah: Cha noh liata, na palôh liata pachâna a vaw ngia aw ta, hmo pha leipa pachâhpadypa ta,

MALUHREINA 16:11

Nâ nata na sahlao zydua Abeipa a dyuh awpa ta namâ hmaohpakhypa a châ hih. Arawna cha khâpa hmo ma tao ta, a chô liata nama paphôh?” tah ta.

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

HMOTAOPAZY 5:9

Pity ta a hnohta, “Khazia Abeipa Thlahpa pasia awpa ta bie namâ paraoh? Moh teh, na vahpa a pabutuhpazy phei cha ochhi ama vaw tlô ha huh, nâ chhao khôtho lâ amâ châ sy aw,” tah ta.

1 KAWRINI 8:8

Niepa ta Khazohpa miah pahniasa vei. Eima nie leipa vâta chhie via leipa pi ta, eima niepa vâta pha via hlei ma pi.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

PHILEMAW 1:14

Châhrasala na hmo pha tao awpa cha, pataosa raruahpa châ leipa ta, nâma lôhthai tlai ta a taopa na châ awpa ei khohpa vâta, na bie leipa ta khâpa hmah tao awpa khoh va na.

ZÂMIE 1:15

Aohraohna ta saw phaoh ta, moleina sa ta, moleina cha a vaw pitloh nahta, thina a tlôkhei tyh.

1 SAMUELA 8:7

Abeipa ta Samuela hnohta, “Zawpi ao ta na hnohta ama reipa zydua cha nathlie mah y. Nâma ama cha khoh leipa châ leipa ta, ama bei châta kei eina khoh leipa ei tlao a châ.