HMOTAOPAZY 5:31 - Mara Bible RV (BSI)

³¹ Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

HMOTAOPAZY 5:31 Cross References

HLAZY 89:19

Hlâno ta na chyhsa ngâchhihpa hnohta, Aluahna ta hetana heta na tah: “Pasaipha hnohta thatlôna pie na ta, Phopi vyuhpa ta atlypa cha ei cheihchalo.

HLAZY 89:24

Ei ngâchhihna nata ei kyhpachâna a hnohta y aw ta, Ei moh vâta a ki cheihchalopa ta a y aw.

ISAI 43:11

“Kei, kei tlai he, Abeipa cha châ na ta, Keima leipa ta pachhatuh hropa rai y veih ei.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

EZEKIA 17:24

Chatanachata lyurâh tho zydua ta kei, Abeipa he, thokô a sâhpa pahnaipa ta, thokô a hnaipa pasâh na ta; tho hrohpa paraohpa ta, tho raohpa a pahrotuhpa ei châ tahpa ama pahno aw. Kei, Abeipa ta reih ha na ta, ei tao aw.’”

EZEKIA 34:24

Kei Abeipa he ama Khazohpa châ aw na ta, nâ chakaotuhpa Dâvi cha âmo bei a châ aw. Kei Abeipa ta ei reih haw.

EZEKIA 37:25

Nâ chakaotuhpa Zakaw hnohta râh ei piepa, châ pathlatuhpazy vaw pahrâ tyhna râh liata ama pahrâ aw. Cha liata âmo nata ama sawzy nata ama samohzy chhâzaw ta pahrâ aw ei ta, nâ chakaotuhpa Dâvi cha chhâzaw ta ama bei a châ aw.

DÂNIAH 10:21

Châhrasala biedopa rona châbu liata ropa ei cha chho aw: Nâmo ryureituhpa Mikaila tah leipa ta cha, he sahlaozy adyuhna liata nâ dyuhkheipa pakha hmah y veih ei.

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

MÂKA 2:10

He hmo he, chyhsa Sawchapawpa he moleinazy a ngiahthai theina biehneina khizaw liata a hnei tahpa nama pahno nawpa ta taopa a châ,” tah ta. Asypa hnohta

MÂKA 4:12

Chavâta, “Hmô cha hmô aw ei ta, Pahno thai aw veih ei; Thei cha thei aw ei ta, Ama novâh aw vei; Pahno thai ha ei sala cha, A palie aw ei ta, Ngiahthaipa ama châ ha awpa tlai!” tah ta.

LUKA 2:11

Tanoh he Dâvi khihpi liata nama châta Pachhatuhpa a pih haw, Beipa Krista cha!

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 4:42

Âmo ta chanô hnohta, “Tahmâ la na bie reipa vâta a ngiapâpa châ khao ma pi. Keimo tlai ta a bie thei pi ta, he he khizaw Pachhatuhpa a châ tlai na tahpa eima pahno haw,” tah ei ta.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 13:23

Khazohpa ta a bietai hawhta, Dâvi chipathla Zisu cha Izarei pachhatuhpa châta padua ta.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

HMOTAOPAZY 2:36

Chavâta Zisu nama khaipâpa tlai kha, Khazohpa ta Abeipa nata Mesia ta a taopa a châ tahpa cha, Izarei phopi zydua ta pahno tlai mawh ei sy,” tah ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 3:15

Hrona pietuhpa cha thie ei chi ta, châhrasala Khazohpa ta ano cha athihpa hry tawhta a pathyu haw. Cha cha a pahnotuhpazy eima châ.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

HMOTAOPAZY 4:11

Cha Zisu cha, nâmo, o satuhpazy ta alô nama kho leipa, a ki liata alô phahnai chaipa a châ.

2 KAWRINI 2:10

Namâ ngiahthaipa maih kei chhao ei ngiahthai hra aw. Ei ngiahthai khiahta cha, nâmo vâta Krista hmiakô liata ei ngiahthaipa a châ.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

PHILIPI 3:20

Keimo khihsana deikua cha vârâh liata y ta, vârâh tawhta Pachhatuh Abeipa Zisu Krista a zu awpa cha ngiatiah leipa ta eima hâ.

KAOLAOSÂ 1:14

Ano liana chata chatlaina, moleinazy ngiahthaina eima hnei.

TITU 1:4

ngiapâna miakhapa liata ei saw hmeiseihpa Titu ei châ naoh. Paw Khazohpa nata Krista Zisu miah Pachhatuhpa tawhta ngiachhiena nata thlalôhna na hnohta y mawh sy.

TITU 2:10

Kusisuah hnei leipa ta, ngâ tlâhpa ama châna ama palâsa awpa a châ. Chatanachata miah pachhatuhpa Khazohpa biezyhpa cha kho â chhihzie kyh to liata ama palâsa thei aw.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.

2 PITY 2:20

Eima Beipa nata Pachhatuhpa Zisu Krista ama pahnopa vâta, khizaw puanazy amâ râsai ha tawhta, cha lilaw liata a tâh heihpa ta, pahniepa ta ama y heih khiahta cha, hnôhlâ ta ama yzie cha hmialâ ta ama yzie hlâta a chhie via ha tyh.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

1 ZAWHÂNA 4:14

Chatanachata Paw ta a Sawchapawpa cha khizaw Pachhatuhpa châ awpa ta a vaw tuah tahpa hmô pi ta, eimâ duakhei.

ZUDÂH 1:25

eima Beipa Zisu Krista zawhzi ta miah Pachhatuhpa Khazohpa a y chhôhpa hnohna chata rônahna zy, abeina zy, ryureina zy, biehneina zy cha, daihti khô chiehpa zydua nata tahmâ nata tlyzaw ta y thlâh ha mawh sy. Amen.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,