HMOTAOPAZY 5:3 - Mara Bible RV (BSI)

³ Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

HMOTAOPAZY 5:3 Cross References

ZAWBÂ 22:13

‘Khazohpa cha khâpa ma a pahno tly? Zohna chatôhpa ta ryureih thei bao aw vei.

BIESOZY 20:25

A chatlie baikhaipa ta Abeipa lâ hmo hlâ awpa bie a taihpa cha, Â taihtuhpa châta khoheih châ ta; Bietai tao khai tawhta pachâ pathi heihpa chhao, Â taihtuhpa châta khoheih a châ hra.

BIECHHOTUHPA 5:4

Khazohpa lâ hmo pie awpa bie nâ taih khiahta cha, na bietai patlô awpa ta pahawhpasâh khah y. Khazohpa cha ahrupazy chô liata a ly vei. Bie nâ taihpa cha patlô mah y.

ISAI 29:15

Ama ryhraopa Abeipa tawhta nyu awpa ta, Su a thu ngaitapa lâ a pangaipazy cha, Ama hu a po na! Zohna ry liata hmo tao ei ta, “Ahy ma miah a hmô aw? Ahy ma miah a pahno aw?” Ama tah tyh.

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

HÔSIA 11:12

Epharai ta haipa bie ta na chadô ta, Izarei chhôhkha ta dôveina ta eina chadô ei. Zudâh deikua cha, Khazohpa nata charei khoh ta, Pathaihpa chô liata ngâchhihpa ta a y.

MALUHREINA 30:2

Chyhsa ta Abeipa liata bietai a tao khiahta tlyma, hmo tao awpa ta anosasyh â chahry khiahta tlyma, a bie a phie awpa châ vei. A pakah tawhta a puapa zydua hawhta a tao awpa a châ.

MATHAI 13:19

Ahy rai khinarâh bie thei ha tlôh ta, a pahno thai vei khiahta cha, moleipa a vy ta, a palôh liata chi hiepa cha a lapa ha tyh. Cha cha lâpi liata chi hiepa cha a châ.

LUKA 22:3

Pahrawh hleinozy hry liata a hlaopa Zudâh Iskari ama tahpa chhôh liata Sâtâ a ngia ta.

ZAWHÂNA 13:2

Ahripa ta Saimaw sawchapawpa Zudâh Iskari cha, Zisu patusa awpa pachâna a palôh liata soh ta. Chatanachata zâpati ama dôh nota,

ZAWHÂNA 13:27

Viahchhâ a pie khai nahta, Zudâh Iskari chhôh liata Sâtâ a ngia ta. Zisu ta a hnohta, “Na tao awpa cha tao para teh,” tah ta.

HMOTAOPAZY 5:2

A lapinô pahnopa ta râh zuana ty cha phih bâ ha ta, a laibâhpa vaw cheih ta, lyuhchâpazy phei thaby liata vaw soh ta.

HMOTAOPAZY 5:4

Râh cha a y chhôh zydua kha nâma eih châ vei mâ? Na zuah tawh chhao ta nâma rei sai châ pyly vei ma? Khazia he hawhpa hmo tao khohna palôh na hnei tly? Chyhsapa a dôveipa châ va chi, Khazohpa a dôveipa na châ,” tah ta.

HMOTAOPAZY 5:9

Pity ta a hnohta, “Khazia Abeipa Thlahpa pasia awpa ta bie namâ paraoh? Moh teh, na vahpa a pabutuhpazy phei cha ochhi ama vaw tlô ha huh, nâ chhao khôtho lâ amâ châ sy aw,” tah ta.

RYHPACHANEINA 23:21

“Abeipa nama Khazohpa lâta bie namâ taihpa a y khiahta cha, pahawh pasâh leipa ta nama pie awpa a châ. Chataleipatala Abeipa nama Khazohpa ta châ hnaw tlôh aw ei ta, nama châta moleina a châ pathlei aw.

ZÂMIE 4:7

Chavâta Khazohpa liata a ngiarih teh u. Ahripa a dyuh u la, a châ râsai aw ei.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.