HMOTAOPAZY 5:26 - Mara Bible RV (BSI)

²⁶ Achhyna o hyutuhpa cha chakaotuhpazy a chhipa ta vawh ta, zawpi ta alô ta ama vawh awpa ama chipa vâta, thachahra hmâ leipa ta lyuhchâpazy cha a vaw chhi ei ta.

HMOTAOPAZY 5:26 Cross References

MATHAI 14:5

Herawda ta Zawhâna cha thie awpa khoh ta, châhrasala zawpi ta hrohsopa ta ama pachâ vâta, zawpi riah chipa ta thie ngâh leipa ta.

MATHAI 21:26

‘Chyhsapa tawhta,’ tah mawh sih la, zawpi chi tlôh pi, chyhsa zydua ta Zawhâna kha hrohsopa ta ama pachâ khaipa châ tlôh,” tah ei ta.

MATHAI 26:5

Châhrasala, “Kyhchhi chhôh ta la châ khah sy. Chataleipatala zawpi hry liata tymâna a y pathlei aw na,” tah ei ta.

MATHAI 26:58

Pity cha â hla kawpa ta Zisu cha pazi ta, theihthai beichaipa tlyhmia tlôna taih pazi ta. Achhâna pahno awpa ta a chhôh lâ a kei ngia ta, vaituhpazy hry liata a tyuh ta.

LUKA 20:19

Cha nona tlai chata ryhpa pachutuhpazy nata theihthai beizy ta, cha pakhona bie cha âmo a rei chakiana bie a châ tahpa pahno ei ta, chavâta patu a chhuah ei ta, châhrasala zawpi chi ei ta.

LUKA 20:6

‘Chyhsapa tawhtapa,’ tah mawh sih la, Zawhâna cha hrohsopa a châpa pahno pasia tlôh ei ta, chyhsa zydua ta alô ta miah vawhsao aw ei,” tah ei ta.

LUKA 22:2

Zawpi ama chipa vâta, theihthai beizy nata ryhpa pachutuhpazy ta arulâta Zisu cha tei ta, thie thei nawpa lâpi tlua ei ta.

LUKA 22:4

Theihthai beizy nata hyutuhpazy lâ vawh ta, Zisu a patusa thei awpa kyh âmo cha kei chho ta.

HMOTAOPAZY 4:21

Hmonoâhpa a tlôpa vâta, chyhsa zydua ta Khazohpa reithai ei ta, zawpizy vâna chata hrie ngâh khao leipa ei ta, pachhipary via heih ei ta, ama pathlie haw.

HMOTAOPAZY 5:13

Ama hry liata a pahlao ngâh leipa y hra ei sala, zawpi ta âmo cha pasâhsa ngaita ei ta.

HMOTAOPAZY 5:22

Chakaotuhpazy cha vawh ei ta, âmo cha patâhna o liata hmô leipa ei ta, vaw kua ei ta.

HMOTAOPAZY 5:24

Achhyna o hyutuhpa nata theihthai beizy ta cha biezy cha ama thei nahta, kheihta ma a châ tly, tahpa pachâpa ta, a tymâ kaw ei ta.

HMOTAOPAZY 5:25

Chyhsa pakha a vy ta ama hnohta, “Patâhna o liata nama khôpa chyhsazy kha Achhyna o liata a duah ei ta, zawpi ama pachupa ei hmô,” tahpa ta âmo cha vaw chho ta.