HMOTAOPAZY 5:14 - Mara Bible RV (BSI)

¹⁴ Ngiapâtuhpa hluhpi a chanô chapaw ta Abeipa lâ amâ baichha via lymâ.

HMOTAOPAZY 5:14 Cross References

2 SAMUELA 6:19

Izarei zawpi zydua cha a chanô chapaw ta chyhsa to viahchhâ tlâ kha, savyuh vyuh kha, kre thei pachawhpa sao kha sai rai ta. Cha khai tawhta chyhsa zydua cha ama o chyu lâta a di ha ei ta.

EZRÂ 10:1

Ezrâ cha Khazohpa o hmiakô liata â khu lâta pao ta, chana chôta thlahchhâ ta, moleinazy palâhâh ta reihpha a chei hai nota, Izarei saw hluhpi, chapawzy, chanôzy nata hawtizy ano lâ a vaw hmaoh ei ta, aoh tlili ta cha ei ta.

NEHEMIAH 8:2

Thla sarina, noh khana noh ta, theihthaipa Ezrâ ta Ryhpa cha chapawzy, chanôzy nata a pahno thai awpa zawpizy lâ vaw cheih ta.

PUASAINA 35:22

A chanô chapaw ta, a palôh liata khona a hneipa maih a vy ei ta, lâkyuzy, rahyzy, moh chahnaona kusadizy, pachhihzy, ngôh ta taopa sôh nata thih to vaw cheih ei ta, chyhsa zydua ta Abeipa lâ ngôhzy hlâ ei ta.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

HMOTAOPAZY 11:24

Bânabâ cha chyhsa phapa châ ta, Thlahpa Pathaihpa nata ngiapâna ta a biepa a châ. Chatanachata chyhsa hluhpi Abeipa lâ baichhapa châ ei ta.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 2:47

Khazohpa reithai ei ta, chyhsa zydua modypa ta ama y tyh. Chatanachata pachha a châpazy cha, noh chareih ta Abeipa ta ama hnohta a baichha lymâ ei.

HMOTAOPAZY 22:4

He Lâpi zyhna chyhsazy he thina taihta taola tyh ei na ta, a chanô chapaw ta chahry na ta, patâhna o liata ei pakhôsa tyh ei.

HMOTAOPAZY 4:4

Châhrasala ama bie a theipa hry liata chyhsa hluhpi ta a ngiapâ ei ta, ama hluhna zie cha maluh sâh pangawh rachhôh ama châ.

HMOTAOPAZY 6:7

Chatawhcha Khazohpa bie cha pôh lymâ ta, pachupazy maluh cha Zerusale liata thata pôh ta, theihthaipa hluhpi chhao ta zo ei ta, amâ ngiapâ haw.

HMOTAOPAZY 8:12

Phili ta Khazohpa khinarâh thâtihpha nata Zisu Krista moh a chhopa cha, Samâri mo ta a ngiapâ ei ta, a chanô chapaw ta bâti châ ei ta.

HMOTAOPAZY 8:3

Sawla deikua cha Awnanopa taola lymâ ta, o to a ngia ta, a chanô chapaw ta a daophi ta, patâhna o liata khô lymâ ta.

HMOTAOPAZY 9:2

Lâpi zyhna py liata chyhsa ahy rai a hmô khiah ei ta cha, a chapaw chanô ta chahrypa ta, Zerusale lâ â vaw chhi thei nawpa ei ta, Dâmaskâ pakhyna ozy liata pie awpa châzy hiah ta.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

HMOTAOPAZY 9:35

Lydâ mo nata Saraw mo zydua ta Ainia cha hmô ei ta, Abeipa lâ a heih ha ei ta.

HMOTAOPAZY 9:42

Cha thâtih cha Zôpâ khih zydua ta pahno ei ta, chyhsa hluhpi ta Abeipa cha a ngiapâ ha ei ta.

2 KAWRINI 6:15

Krista nata ahripa ta khâpa aryhna ama hnei? Ngiapâtuhpa nata ngiapâleipa ta khâpa to khohpa ama hnei?

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.