HMOTAOPAZY 5:12 - Mara Bible RV (BSI)

¹² Lyuhchâpazy ku ta ngiana nata hmonoâhpa hluhpi zawpi hry liata tao lymâpa châ ta. Ama zydua ta palôh miakha phaohpa ta Sawlawmaw Aikah liata y pakhy tyh ei ta.

HMOTAOPAZY 5:12 Cross References

ZEREMIAH 26:9

Khazia Abeipa moh ta hrohsona bie phuah chi ta, ‘He o he Silô hawhta châ aw ta, he khihpi he roryhrapa ta ypa ta, a chhôh liata a pahrâpa y aw veih ei,’ na tah?” tah ei ta. Zawpi zydua ta Zere­miah cha Abeipa o liana cha chadô ei ta.

MÂKA 16:20

Pachupazy cha sie ei ta, su to liata bie chho ei ta. Abeipa ta âmo cha hriakhei ta, ama bie chhopazy pa-i nawpa ta, ngiana hmonoâhpazy ta a pazi lymâ ei.

ZAWHÂNA 10:23

Zisu cha Achhyna o liata Sawlawmaw aikah liata a hlaihlâ ta.

ZAWHÂNA 4:48

Zisu ta a hnohta, “Ngiana nata hmonoâhpazy nama hmô vei khiahta la, a ngiapâ ngyu veih ei chi,” tah ta.

HMOTAOPAZY 1:14

Cha sahlao zydua cha chanôzy nata Zisu nô Mâri nata Zisu unawhzy chhaota, palôh a raohpa ta, phahnai khoh ngaitapa ta thlahchhâ tyh ei ta.

HMOTAOPAZY 14:3

Abeipa liata riahpha ngaitapa ta bie reipa ta, cha liata bohpi y ei ta, Abeipa ta ngiana nata hmonoâhpazy ama ku ta pataosapa ta, a ngiachhiena bie ama reipa cha pahnokhei lymâ ta.

HMOTAOPAZY 16:18

Cha hawhna chata noh hluhpi tao ta. Pawla cha a palôh châ khao leipa ta, a heih ta, thlahpa hnohna chata, “A chhôh tawhta pua awpa ta, Zisu Krista moh ta bie ei cha pie,” tah ta. Cha dawh lia tlai chata pua ha ta.

HMOTAOPAZY 19:11

Khazohpa ta Pawla ku ta hmonoâh ngaitapazy tao lymâ ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 28:9

Cha hawhta hmo a ypa cha ama pahno nahta, liahpahlô chyhsa hropa pasana a hneipazy a vy ei ta, patlâhpa ta y ei ta.

HMOTAOPAZY 3:11

Pheisypa a tlâh hapa ta Pity nata Zawhâna a patu thlâh ha nota, chyhsa zydua cha noâh tah ngaitana chôta Sawlawmaw aikah ama tahpa liata âmo yna lâ a vaw râ pakhy ei ta.

HMOTAOPAZY 4:30

Patlâh awpa ta na ku pazawh la, châ chakaotuhpazy he, châ chakaotuhpa pathaihpa Zisu moh ta ngiana nata hmonoâhpazy pataosa lymâ mah y,” tah ei ta.

HMOTAOPAZY 9:33

Cha liata chyhsa pakha a moh Ainia ama tahpa, asypa vâta kô charie rakhô liata a zia hapa hmô ta.

HMOTAOPAZY 9:40

Pity ta ama zydua khôtho lâ papua ta, pakhu paneihpa ta thlahchhâ ta, athihpa ri lâ a heih ta, “Tâbi, thyu teh,” tah ta. Tâbi cha a mo vaw padeih ta, Pity a hmô nahta, a kaw tyuh ta.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

2 KAWRINI 12:12

Lyuhchâpa hmeiseihpa châna â lâna, ngianazy nata hmonoâhpazy nata hmotaotheinazy taopa ta, tiama ngaitapa ta nama hry liata eima chakao tyh.

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.