HMOTAOPAZY 4:31 - Mara Bible RV (BSI)

³¹ Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

HMOTAOPAZY 4:31 Cross References

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

MATHAI 21:22

Namâ ngiapâ khiahta cha, thlahchhâna ta nama hiapa maih nama hmô aw,” tah ta.

ZAWHÂNA 14:12

“Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 15:7

Keima liata y thlâh ha u la, ei bie nâmo liata a y thlâh ha khiahta cha, nama khopa maih hiah teh u, nama châta taopa a châ aw.

HMOTAOPAZY 14:3

Abeipa liata riahpha ngaitapa ta bie reipa ta, cha liata bohpi y ei ta, Abeipa ta ngiana nata hmonoâhpazy ama ku ta pataosapa ta, a ngiachhiena bie ama reipa cha pahnokhei lymâ ta.

HMOTAOPAZY 2:1

Pentikaws noh a vaw tlô nahta, ama zydua ta su kha liata y pakhy khai ei ta.

HMOTAOPAZY 2:2

Eikhapi ta vârâh tawhta thlihpipa pathlipa pyu hawhta za tlô ta, cha chata amâ tyuna o cha pabie khai ha ta.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

HMOTAOPAZY 4:13

Pity nata Zawhâna riahphazie cha hmô ei ta, châthai leipa nata chyhsa zawrâpa dei ama châpa ama pahno nahta, ama noâh kaw ta. Zisu hnohta a y tyhpa ama châpa pahno ha ei ta.

HMOTAOPAZY 4:29

Hy Abeipa, ama pachhiparynazy he pachâ tua. Châ chakaotuhpazy he riahpha ngaitapa ta na bie reih lymâ awpa ta miah bao mah y.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.