HMOTAOPAZY 4:28 - Mara Bible RV (BSI)

²⁸ Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

HMOTAOPAZY 4:28 Cross References

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

ZAWBÂ 12:13

“Khazohpa liata sona nata thatlôna y ta, Ano cha ryhraona nata pahnona a hneipa a châ.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 14:24

Pheisaihzy Abeipa ta, “Ei pachhuahpanohpa hawh tlai ta vaw tlô aw ta, Ei chhuahpa hawhta a vaw tlô aw.

ISAI 28:29

Cha pahnona chhao cha, Pheisaihzy Abeipa tawhta a vypa a châ; Ano cha ryhraotuh noâchhihpa châ ta, Sona kipa a hneipa a châ.

ISAI 37:26

“Cha hmozy cha, Khahlâ tawhta ei vaw rao hapa a châzie Thei beih va chi ma? Thokhy khihpizy cha, Raona apachona khihpizy lâta na tao awpa kyh, Hlâno tawhta ei vaw pachhuah hapa cha, Tahmâ ei vaw patlôsa hih.

ISAI 40:13

Ahy ma Abeipa palôh pahno ta, A ryhraokheituhpa hawhta, Ano cha cha pachâna a pie beih tly?

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ISAI 5:19

“Eima hmô thei nawpa ta, A para sala, A tao awpa cha a chatliepa ta tao mawh sy. Eima pahno thei nawpa ta, Izarei Pathaihpa ryhraona cha a vaw hnia sala vaw tlô mawh sy!” A tahtuhpazy cha ama hu a po na!

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.

MATHAI 26:54

Châhrasala cha hawhta tao aw sah la, he hawhta vaw châ awpa ta Biehrai ta a reipa kheihta â ki thei aw?” tah ta.

LUKA 22:22

Chyhsa Sawchapawpa he rao chhieliepa hawhta a sie aw, châhrasala a patusatuhpa chyhsa cha a hu a po kaw dia!” tah ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 3:18

Khazohpa ta hrohsopa zydua pakah ta a Mesia cha riethei a tao awpa a châna kyh a vaw reih chhieliepa kha, a vaw patlôsapa a châ.

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

HEBRAI 6:17

Khazohpa ta â chhuahna anano beih leipa cha, bietai ryutotuhpazy hnohta tha via ta a pamosa khoh tita, bietai hmâpa ta a pa-i tyh.