HMOTAOPAZY 3:2 - Mara Bible RV (BSI)

² Chyhsa pakha pheisypa ta a pihpa a vaw sy ei ta, ano cha Achhyna o lâ a ngiapazy lâta ku dao awpa ta, Achhyna o Ochhi Ngiapa ama tahpa kiapâh liata noh chareih ama pazia tyhpa a châ.

HMOTAOPAZY 3:2 Cross References

LUKA 16:20

A kaohrai thaby liata sipasapa pakha, a moh Lâzarâh ama tahpa, a pôhpa duata hmah ta a biepa a zia tyh ta.

LUKA 18:35

Zerikô a tlô chy ta, mochaopa pakha lâpi kiah liata kudaopa ta a tyuh ta.

ZAWHÂNA 9:8

Opazy nata ku a daopa a vaw hmô tyhpazy ta, “He chyhsa he ku daopa ta a tyuh thlâh ha tyhpa kha châ vei mâ?” tah ei ta.

HMOTAOPAZY 10:31

‘Kawnilia, na thlahchhâna kha theipa châ ta, na hmopiepazy chhao Khazohpa ta â thei.

HMOTAOPAZY 10:4

Kawnilia ta ano cha kei moh ta, chi ngaita ta, a hnohta, “Abeipa, khâpa maw?” tah ta. Vâlyuhchâpa ta a hnohta, “Na thlahchhânazy nata na hmopiepazy avâ lâ kiah ta, Khazohpa ta a pahno thlâh haw.

HMOTAOPAZY 14:8

Lystâ khih liata pheisypa pakha y ta. Pheisypa ta a pihpa châ ta, phei ta a sie beih leipa a châ.

HMOTAOPAZY 3:10

Achhyna o Ochhi Ngiapa kiapâh liata kudaopa ta a tyuh tyhpa kha a châ tahpa pahno ei ta. A chô liata hmo a tlôpa cha ama noâh ngaita ta, a pachâna pahno leipa ei ta.

HMOTAOPAZY 4:22

Hmonoâhpa taopa ta chyhsa ama patlâhpa cha, kô sypalih hlâta uhthei viapa châ tlôh ta.