HMOTAOPAZY 3:17 - Mara Bible RV (BSI)

¹⁷ “Châhrasala unawh saih u, nama ryureituhpazy ta ama pahno leipa vâta ama taopa hawhna khata, nâmô chhao nama pahno leipa vâta, hezy he nama taopa a châ tahpa ei pahno.

HMOTAOPAZY 3:17 Cross References

ÂTHAONA 21:26

Abimele ta, “Cha hmo cha ahy ma a tao tahpa pahno va na. Nâ hra ta na chho beih leipa chi ta, cha kyh cha tanoh he ei pahno tua chaina a châ,” tah ta.

ÂTHAONA 39:8

Châhrasala Zawsi ta khoh leipa ta, a zibeipa lapinô hnohta, “Pachâ teh, keima ei ypa vâta, he o liata hmo zydua he ei zibeipa ta pachâ khao vei. A hneipa zydua ei ku liata soh khai ta,

ÂTHAONA 44:15

Zawsi ta ama hnohta, “Khâpa hmo nama tao haw? Kei hawhpa chyhsa heta cha pachao chhao a thai tahpa pahno veih ei chi mâ?” tah ta.

PUASAINA 32:1

Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

MALUHREINA 22:6

Ngiachhiepa ta a vy la, he chyhsazy he chhie na vaw sapa mah y. Kei châta ama tha a tlô tu haw. Chatanachata âmo cha pahnie thei aw ei na ta, he râh tawhta ei papua thei ngyu aw ei. Byhnâ na awpa maih byhnâ to ei ta, chhie na sapa maih chhiesapa ta ama y tyh tahpa ei pahno,” tah ta.

LUKA 23:13

Pilâ ta theihthai beizy, ryureituhpazy nata zawpizy awpakhy ta,

LUKA 23:34

Zisu ta, “Ei Paw y, âmo he a ngiahthai mah y, ama hmotaopa he ama pahno vei na,” tah ta. A chysiazy a rai awpa ta nuby a dao ei ta.

ZAWHÂNA 15:21

Châhrasala nâ tuahtuhpa ama pahno leipa vâta, he hmo zydua he ei moh vâta nama chô liata ama tao aw.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 7:52

Âmo ta a chhy ei ta, “Nâ chhao cha Kâlili chyhsa châ hra khiah chi? Patuapalua la, pachâ tua, Kâlili tawhta hrohsopa pua beih veih ei tahpa pahno châh chi,” tah ei ta.

HMOTAOPAZY 13:27

Zerusale liata a ypazy nata ama ryureituhpazy ta ano cha pahno leipa ei ta, Pahânoh maihta rei tyhpa hrohsopazy bie chhao ama pahno leipa vâta, ano cha thailei pachâsapa ta, hrohsopazy bie ama patlôsapa a châ.

HMOTAOPAZY 22:5

Theihthai beichaipa nata machâ zydua ta ei bie cha eina pahnokhei ei. Âmo tawhta Dâmaskâ liata ama chiheihzy lâta châ ama ropa a phaopa ta, Dâmaskâ liata Lâpi chyhsazy chahry ta, hrie awpa ta Zerusale lâ a vaw chhi awpa ta ei sie.

HMOTAOPAZY 26:9

“Kei chhao he Nâzari Zisu moh chakhiapa ta hmo hluhpi tao awpa pha a tahpa ei vaw châ hra.

HMOTAOPAZY 28:21

Âmo ta a hnohta, “Nâma kyh liata Zudia râh tawhta châ hmô leipa pi ta, he lâ a khypa unawhzy hry liata ahy hmahta na thâtih chhiepa a phuahpa y leipa ei ta, a reihpa y hra veih ei.

HMOTAOPAZY 7:40

Arawna hnohta, ‘Miah chhihtha awpa ta khazohzy miah taopa teh. He Mawsi, Izi râh tawhta miah a kaw chhi papuatuhpa he a thâtih pahno khao ma pi,’ tah ei ta.

RAWMA 11:2

Khazohpa ta a pahno hapa a phopi cha thy aw vei. Biehrai ta Elaizâh kyh a reipa kha pahno veih ei chi ma? Elaizâh ta Izarei kyh Khazohpa lâ tlôkhei ta,

1 KAWRINI 2:8

Cha cha he khizaw ryureituhpazy ta pahno veih ei. Pahno ha ei sala, rônahna Beipa cha ama khaipâ lei awpa tlai.

2 KAWRINI 3:14

Châhrasala ama palôh kuh pachhasapa châ ta, tanoh taihta, biehrai parohpa ama rei nota, cha khuna cha pahypa châ vei. Khuna cha Krista vâ deita ta pahypa a châ.

EPHESI 4:18

Ama palôh kuhchhapa vâta pahno leina âmo liata y ta, cha chata ama pahnona pazohsa ta, Khazohpa hrona tawhta pachhaihpa ta ama y.

PHILIPI 1:22

Ei hroh chy khiahta cha, chakaona theilâpa hmô awpa ta a hrohpa ei châ. Kheihawhpa ma ei tlyh aw tahpa pahno va na.

1 TIMAWTHY 1:13

Kha hlâta reipachhietuhpa, taolatuhpa nata pasipasawhtuhpa vaw châ hraw sah la, ngiapâleina vâta pahno leipa ta a taopa ei châpa vâta, zawngiahna ei hmô.