HMOTAOPAZY 28:16 - Mara Bible RV (BSI)

¹⁶ Rawma eima tlô nahta, Pawla cha vaituhpa pheisaih hneipa ta, ano kho ta y awpa ta pasaipa châ ta.

HMOTAOPAZY 28:16 Cross References

ÂTHAONA 37:36

Cha nota, Midia mo ta Zawsi cha Izi râh lâ a ngiakhei ei ta, Phiraoh ry liata molaipa pakha, vaituhpa py hyutuhpa Pawtipha hnohta zuah ei ta.

2 ABEIZY 25:8

Babylaw bei Nebukaneza abeina kô hrawh hleichakina, cha kô thla pangawhna, noh sarina noh ta, Babylaw bei chakaotuhpa, abei vaituhpazy hyutuhpa Nebuzarâdâ cha Zerusale lâ a vy ta.

ZEREMIAH 38:13

Zeremiah cha khaohtlô tawhna chata chaorizy ta a daophi ei ta. Chatanachata Zeremiah cha vaituhpazy dôhpachhôh tlyhmia liata paysa ha ei ta.

ZEREMIAH 40:2

Pheisaih hyutuhpa ta Zeremiah cha a chhi ta, a hnohta, “Abeipa na Khazohpa ta he chhiena he, he su liata a vaw tlô awpa ta vaw phuah ha ta.

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 19:21

Cha khai tawhta, Pawla cha Thlahpa chhihthapa ta Mâsidônia râh nata Akai râhzy chahryh ta, Zerusale lâ sie a chhuah ta, “Cha râhzy ei tlô tawhta, Rawma chhao ei tly awpa a châ,” tah ta.

HMOTAOPAZY 2:10

Pharuzia râh liata a ypazy, Pamphulia râh liata a ypazy, Izi râh liata a ypazy, Libia râh Kurini khih liata a ypazy nata Rawma khihpi tawhta khi a vaw tlyhpazy châ pi ta,

HMOTAOPAZY 23:11

A vaw pazipa zâ liata, Abeipa cha Pawla kiapâh liata a vaw duah ta, a hnohta, “Thlalôhpa ta y mah y, Zerusale liata ei thâtih nâ châhkheipa hawhna heta, Rawma liata chhao nâ châhkhei hra awpa a châ,” tah ta.

HMOTAOPAZY 24:23

Pheisaih za kha hyutuhpa hnohta Pawla cha patâhna o liata khô chy awpa ta biepie ta. Châhrasala khotalaina khazie rakha ma piepa ta, a viasazy ta ama deichhy awpa pakhâ lei awpa ta biepie ta.

HMOTAOPAZY 27:3

A mylâ ta Sidaw khih tlô pi ta. Zulia ta Pawla cha ngiachhie kaw ta, a viasazy lâ charei ta, a byuhna hawhta ama vaw mohôh awpa pasaih ta.

HMOTAOPAZY 27:31

Pawla ta pheisaih za kha hyutuhpa nata pheisaihzy hnohta, “He sahlao he balyh liata ama y thlâh ha leipa khiahta cha, a boh aw veih ei chi,” tah ta.

HMOTAOPAZY 27:43

Châhrasala pheisaih za kha hyutuhpa ta Pawla a pachha khohpa vâta, ama hmo a chhuahpa cha pakhâ ha ta. Ti zaw athaipa maih balyh tawhta a zawpa ta raphyu lâ pua tua awpa ta biepie ta.

BIEPHUAH 17:18

Chanô na hmôpa kha khihpi rônahpa, lei beizy chô liata ryureituhpa a châ,” tah ta.

BIEPHUAH 17:9

Cha chata sona palôh hnei awpa a byuhzie a palâsa: Luh saripazy kha chanô atyuna tlâh sarizy a châ.