HMOTAOPAZY 27:43 - Mara Bible RV (BSI)

⁴³ Châhrasala pheisaih za kha hyutuhpa ta Pawla a pachha khohpa vâta, ama hmo a chhuahpa cha pakhâ ha ta. Ti zaw athaipa maih balyh tawhta a zawpa ta raphyu lâ pua tua awpa ta biepie ta.

HMOTAOPAZY 27:43 Cross References

BIESOZY 16:7

A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.

HMOTAOPAZY 23:10

Thachahra hmâna taihta amâ eichhia via rilipa vâta, pheisaih hyutuhpa cha Pawla ama hriechheih awpa chi ta. Pheisaihzy tuah ta, pheisaih thatlôna hmâpa ta, ama hry tawhta pheisaih su lâ a kaw chhi awpa ta biepie ta.

HMOTAOPAZY 23:24

Pawla kia awpa arâ pachhuahpanoh u la, râhvaotuhpa Felika lâ â bohpa ta tlôkhei mawh ei sy,” tah ta.

HMOTAOPAZY 27:11

Châhrasala pheisaih za kha hyutuhpa ta Pawla bie reipa hlâta balyh puhpa nata balyh hneituhpa bie pachâ peimawh via ha ta.

HMOTAOPAZY 27:3

A mylâ ta Sidaw khih tlô pi ta. Zulia ta Pawla cha ngiachhie kaw ta, a viasazy lâ charei ta, a byuhna hawhta ama vaw mohôh awpa pasaih ta.

HMOTAOPAZY 27:31

Pawla ta pheisaih za kha hyutuhpa nata pheisaihzy hnohta, “He sahlao he balyh liata ama y thlâh ha leipa khiahta cha, a boh aw veih ei chi,” tah ta.

HMOTAOPAZY 27:42

Pheisaihzy ta atâhpazy cha, ti a zawpa ta amâ râ pathlei aw tahpa chipa ta thie a chhuah ei ta.

2 KAWRINI 11:25

Ei thôh sôsi ta chheipa châ na ta, ei kha alô ta vawhpa ei châ. Ei thôh balyh raona a tyh na ta, zâ kha nata noh kha tilaipi liata phao pahaipa ta ei y.