HMOTAOPAZY 26:7 - Mara Bible RV (BSI)

⁷ Cha bietai cha eima chi hrawh hleinozy ta hmô awpa hnabeiseihpa ta, chhô nah zâ ta phahnai khoh ngaitapa ta Khazohpa ama chakao tyh. Hy abei y, cha hnabeiseihna kyh vâna chata Zuzy ta eina leih ei.

HMOTAOPAZY 26:7 Cross References

EZRÂ 6:17

Khazohpa o hlâna liata viahchao tôhpa 100, mietaku tôhpa 200, mietakutaw 400 hlâ ei ta. Izarei zydua châta moleina hlâna atheihna châta, Izarei chi zie hawhta, mie tôhpa pô 12 ama hlâ hra.

EZRÂ 8:35

Cha daihti liata, paipatlapa, seichâna tawhta a vaw kuapazy ta Izarei Khazohpa lâta raopa hlânazy hlâ ei ta. Viahchao tôhpa pô hrawh hleino, mietaku tôhpa sychaki nata pô charu, mietakutaw sysari nata pô sari Izarei zydua châta hlâ ei ta. Cha zydua cha Abeipa lâta raopa hlâna sai a châ.

HLAZY 135:2

Abeipa o liata a duahpazy saih u, Abeipa cha reithai u la; Eima Khazohpa o dôhpachhôh tlyhmia liata a duahpazy saih u, Abeipa cha reithai teh u!

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HMOTAOPAZY 26:2

“Bei Akaripâ y, Zuzy ta eina leihna zydua liata, ei thaichâna bie tanoh na hmiakô liata ei rei thei awpa he nohlao ei tah ngaita.

HMOTAOPAZY 26:3

Nâ cha Zuzy phoryhpa nata aeichhiana kyhzy a pahnotuhpa na châpa he, vâpha ei tah via pachai. Chavâta palôh pasi kawpa ta ei bie eina nathlie awpa chi ta ei châ haw.

HMOTAOPAZY 28:20

Cha kyh vâna chata, nâmo châ hmô awpa nata bie cha reikhei awpa ta ei châ hawpa ei a châ, Izarei hnabeiseihpa vâta, he bâlia he a kypa châ tlôh na ta,” tah ta.

PHILIPI 3:11

athihpa hry tawhta thyuheihna cha, ano hawhta ei to tlai hra aw.

1 THYSALAWNIKA 3:10

Nama hmia hmô heih ta, ngiapâna liata namâ phahlanazy cha pazao awpa ta, chhô nah zâ ta phahnai khoh ngaitapa ta thlah eima chhâ lymâ.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.