HMOTAOPAZY 26:29 - Mara Bible RV (BSI)

²⁹ Pawla ta, “Buakha chhôh ta tlyma, bohpi tlyma rai châ sala, nâ dei châ leipa ta, tanoh ta ei bie a theipa zydua heta, he bâliazy he na tah leipa ta cha, keima hawhta y awpa ta Khazohpa lâta ei hiah,” tah ta.

HMOTAOPAZY 26:29 Cross References

2 SAMUELA 18:33

Abei cha a palôh pasa ngaita ta, thokhy chhikao chô lâta chhôhpadâhpa lâ khy ta, cha ta. A khy pâ ta, “Hy ei sawchapawpa Absalaw, ei sawchapawpa, ei sawchapawpa Absalaw! Nâma vyuhpa ta keima tlao ei thi thlâh ha awpa tlai! Hy Absalaw, ei sawchapawpa, ei sawchapawpa y!” tah ta.

2 ABEIZY 5:3

Noh kha cha a zibeinô hnohta, “Ei zibeipa he Samâri liata hrohsopa pangai sala ei tah kaw dia! A phawhpa he a vaw patlâh thlâh ha awpa tlai,” tah ta.

PUASAINA 16:3

Izarei sawzy ta ama hnohta, “Izi râh liata sa beih kiah liata a tyuh pi ta, viahchhâ eima rih biena taihta eima nie no khata Abeipa ku ta vaw thi ha sih la a pha via awpa tlai. Zawpi zydua he nodipa ta miah thie awpa ta râhchawhpa lâ miah namâ vaw chhi he zaw,” tah ei ta.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 38:20

Zeremiah ta, “Cha hlâ aw veih ei. Na hnohta ei reipa Abeipa ao he nathlie mah y. Na châta pha aw ta, na hrona pahlôhpa a châ aw.

MALUHREINA 11:29

Châhrasala Mawsi ta a hnohta, “Ei chhâh a châpa ta hiatliapa ma na châ tly? Kei la Abeipa chyhsa zydua hrohsopa châ khai ei sala, Abeipa ta a Thlahpa ama chô liata soh khai sala tahpa tlao ei khoh,” tah ta.

ZAWHÂNA 5:34

Pahnokheina ei daopa kha, chyhsapa tawhta ei daopa châ leipa ta, pachha nama châ thei nawpa ta, cha biezy cha ei reipa a châ.

HMOTAOPAZY 12:6

Herawda ta a papua chy ta, cha zâ liana tlai chata, Pity cha pheisaih pano likawh ta, bâlia miano pakypa ta a mô ta. Vaituhpazy cha ochhi thaby liata ypa ta, patâhna o cha vaih ei ta.

HMOTAOPAZY 21:33

Pheisaih hyutuhpa cha a vaw hnia ta, Pawla patu ta, bâlia miano paky awpa ta biepie ta. Ahy ma a châ, khâpa ma a tao, tahpa patluah ta.

HMOTAOPAZY 25:14

Cha liata noh hluhpi ama châhpa vâta, Festâ ta Pawla kyh cha abei chho ta, “Felika khata atâhpa pakha siesai ta.

RAWMA 10:1

Unawh saih u, Izarei sawzy pachha ama châ awpa cha, ei palôh khopa nata âmo châta Khazohpa lâta ei thlahchhâna a châ.

1 KAWRINI 4:8

Namâ ngiahpazy nama hnei khai haw! Nama vaw hneirôh haw! Keimo a hlao leipa ta beizy nama vaw châ haw! Beizy châ hmeiseih u la, keimo chhao nama hnohta a bei hra sih la ei tah kaw dia!

1 KAWRINI 7:7

Chyhsa zydua ta keima hawhta y khai ei sala tahpa ei khoh. Châhrasala chyhsa to Khazohpa tawhta hmopiepa hnei chyu ei ta, pakha ta hmopiepa miakha hnei ta, mohropa ta hmopiepa hropa a hnei.

2 KAWRINI 11:1

Ei vaw hru pâ hapa chhao ta eina chhyh thai awpa ei chi ei khoh kaw. Rie na chhyh thai muh vy!

EPHESI 6:20

Thâtihpha ei rei awpa cha riahphapa ta ei rei thei nawpa ta, lyuhchâpa bâlia a kypa ei châ.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.