HMOTAOPAZY 26:18 - Mara Bible RV (BSI)

¹⁸ Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HMOTAOPAZY 26:18 Cross References

HLAZY 119:18

Na ryhpa bie pha ngaitapazy ei hmô pasia thei nawpa ta, Ei mozy pavâsa mah y.

HLAZY 146:8

Mochaopazy mo a pavâsa. Abeipa cha a bôhpazy pathyu ta, Abeipa cha mosiapazy kyh a pachâ.

ISAI 29:18

Cha noh liata, nahpâpazy ta châbu biezy thei aw ei ta, Mochaopa mozy chhao, A zoh kaluhna tawhta hmô thei aw ta, A zohna tawhta a hmô thei ha aw.

ISAI 32:3

Mo pavâpazy mo cha paso khao leipa aw ta, Nah theipazy nah ta a nathlie bâ aw.

ISAI 35:5

Cha tita cha, mochaopazy mo pavâsapa châ aw ta, Nahpâpazy nah pavâsapa a châ aw.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 42:7

Mochaopazy mo pavâsa aw chi ta, Atâhpazy na papua aw ei; Âmo cha lei ry patâhna o tawhta papua aw chi ta, Patâhna o zohpa tawhta na papua aw ei.

ISAI 43:8

Mo hnei thlâh ha taraw ta, Châhrasala mochaopa phopi cha a vaw chhi la, Nakhaoh hnei thlâh ha taraw ta, Châhrasala nahpâpazy cha a vaw chhi mah y!

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 9:2

Zohna liata a chareipa phopi ta, Khaihna rônahpa hmô ei ta; Thina nohpahli râh liata a pahrâpazy chô liata, Khaihna a vaw khaih haw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

MATHAI 4:16

Zohna liata a tyuhpazy ta Khaihna rônahpa ama hmô haw; Thina nohpahli râh liata atyuhpazy chô liata, Khaihpa a vaw khaih haw,” tahpa ta a reipa kha a vaw tlô thei nawpa ta a châ.

LUKA 1:77

A chyhsazy moleina a ngiahthaipa ta, Pachhana pahnona pie awpa ta,

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

LUKA 24:45

Biehrai biezy ama pahno thei nawpa ta, ama palôh pahy ta,

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

ZAWHÂNA 17:17

Âmo cha biehmeiseihpa ta pathaisa mah y. Na bie cha biehmeiseihpa a châ.

ZAWHÂNA 3:19

He he thailei pachâsana cha a châ: Khaihpa khizaw lâ a zu ta, châhrasala chyhsazy ta khaihpa hlâta zohna ama khoh via, ama hmotaopazy a moleipa vâta.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

ZAWHÂNA 9:39

Zisu ta, “Mochaopazy ama mo pavâ sala, mo pavâpazy ama mo a chao nawpa ta, he khizaw liata ryureih awpa ta a vypa ei châ,” tah ta.

ZAWHÂNA 9:5

Khizaw liata ei y chhôh cha, khizaw khaihpa ei châ,” tah ta.

HMOTAOPAZY 10:43

Hrohsopa zydua chhao ta, ahy rai ano a ngiapâpa maih cha, ano moh ta moleinazy a ngiahthaipa ama châ aw, tahpa ta ama vaw pahnokhei chhieliepa kha a châ,” tah ta.

HMOTAOPAZY 13:47

Cha hawhta tao awpa ta Abeipa ta, “‘Khizaw kaokih chhâna taihta Pachhana tlôkhei awpa ta, Zenitaizy châta khaihna ta ei cha tao aw,’ tahpa ta bie miah a pie,” tah ei ta.

HMOTAOPAZY 15:9

Keimo nata âmo likah panano leipa ta, ngiapâna ta ama pathipalôh a pathaisa ha ei.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

HMOTAOPAZY 20:32

“Tahmâ he Khazohpa nata a ngiachhiena bie liata ei cha pavaosa ei. Cha chata cha palaiseihsa aw ei ta, mopathaihpazy hry liata ryuto a cha pahneisa aw ei.

HMOTAOPAZY 26:19

“Chavâta Bei Akripâ y, avâ tawhta aluahna cha zyh leipa ta y thei va na.

HMOTAOPAZY 26:23

Hrohsopazy nata Mawsi ta Mesia cha riethei tao aw ta, athihpa thyuheihna hmia a sahtuhpa a châpa vâta, keimo phopi hnohta nata Zenitaizy hnohta khaihna a phuahtuhpa a châ awpa kyh ama reipa dei leipa cha, bie hropa khâpa hmah reih va na,” tah ta.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

1 KAWRINI 1:2

Kawrini khih liata a ypa, mopathaihpazy châ awpa ta Krista Zisu liata pananopa Khazohpa awnanopa nata su to liata eima Beipa Zisu Krista, âmo Beipa nata keimo Beipa moh a padopa zydua eima châ naoh.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

2 KAWRINI 6:14

Ngiapâleipazy nata raopaky a ky khoh khuh vy. Siana nata moleina ta khâpa a hly theipa ama hnei? Khaihna nata zohna ta khâpa akaona ama hnei?

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 3:14

Chatanachata Abarahâ châta byhnâ awna cha, Krista Zisu vâta Zenitaizy hnohta vaw tlô aw ta, Thlahpa taihpa cha ngiapâna ta eima hmô thei aw.

KALATIA 3:2

He deita he nâmo tawhta pahno awpa ei khoh: Ryhpa hmotaopazy vâta ma Thlahpa nama to, nama theipa namâ ngiapâpa vâta maw?

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

EPHESI 1:14

Ano cha Khazohpa rônahna reithai nawpa ta, Khazohpa ta a ryutozy a chatlai hlâ chhao ta, cha ryuto cha eima hmô tlai aw tahpa pa-ina sôhkâ a châ.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 2:8

Ngiachhiena vâta ngiapâna ta pachhapa nama châ. Cha chhao cha nâmo tawhta a puapa châ leipa ta, Khazohpa hmosaipiepa a châ.

EPHESI 4:18

Ama palôh kuhchhapa vâta pahno leina âmo liata y ta, cha chata ama pahnona pazohsa ta, Khazohpa hrona tawhta pachhaihpa ta ama y.

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

EPHESI 6:12

Eimâ piapazy he sapa nata thisaih châ leipa ei ta, abeinazy, biehneinazy, he khizaw zohna chô liata hmotaotheinazy nata avâ suzy liata a ypa thlahpa moleipazy tlao ama châ.

2 TIMAWTHY 2:26

Chatanachata ama chhie nata pha pahnona vaw hroh aw ta, ano khopa tao awpa ta âmo a patu tyhpa ahripa khoheih ama khôkhâh thei aw.

HEBRAI 10:10

Cha hmochhuahpa hawhna chata, chhâzaw châta ei kha hlâpa Zisu Krista pôhpa ta pathaisapa ta eima y haw.

HEBRAI 10:14

Ei kha â hlâna ta a pathaisa hapazy cha, chhâzaw châta a pakipa ha ei.

HEBRAI 11:6

Ngiapâna leipa ta cha Khazohpa palysa thei rimâ awpa châ vei. Khazohpa a pangaipa maihta, Khazohpa a y tahpa amâ ngiapâ awpa châ ta, ano a tluatuhpa cha Khazohpa ta lymâ a pie tyh tahpa amâ ngiapâ awpa a châ.

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 1:4

ryuto rao thei leipa, apuapa a hlao leipa nata lo beih leipa vârâh liata a cha sopa ei.

1 PITY 2:25

Mietakuzy hawhta lâpi pavia ei chi ta, tahmâ deikua cha nama thlahpa Chhituhpa nata Mietaku Vaituhpa lâ nama kua ha hih.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 ZAWHÂNA 1:9

Eima moleinazy palâhâh sih la, reihpha eima chei khiahta cha, eima moleinazy a ngiahthai awpa nata eima sialeina zydua pasia awpa ta, ano cha ngâchhihpa nata a siapa a châ.

1 ZAWHÂNA 2:12

Sawzy saih u, ano moh ta nama moleinazy a ngiahthaipa a châpa vâta, nâmo lâ ei vaw roh.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.