HMOTAOPAZY 26:15 - Mara Bible RV (BSI)

¹⁵ Chatawhcha kei ta, ‘Abeipa, ahy ma na châ?’ tah na ta. Abeipa ta, ‘Zisu na taolapa kha ei châ.

HMOTAOPAZY 26:15 Cross References

PUASAINA 16:8

Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

HMOTAOPAZY 26:14

Eima zydua ta alei liata pao pi ta, Hebrai reih ta, ‘Sawla, Sawla, khazia eina taola chi? Chôchahrei pazaopa chapiepa cha na châta a pasa kaw mâh tâh,’ eina tahpa ao thei na ta.

HMOTAOPAZY 26:16

Châhrasala thyu la, na phei ta a duah teh. Nâ chakaotuhpa ta cha tao awpa ta na hnohta ei vaw luah. Kei liata hmo na hmôpazy nata na hnohta ei luahna liata na hmôpazy nâ châhkhei lymâ aw.