HMOTAOPAZY 26:11 - Mara Bible RV (BSI)

¹¹ Pakhyna o zydua liata âmo cha hrie tyh ei na ta, Khazohpa moh reipachhie awpa ta tao ei na ta, ama chô liata nôchhie ngaitapa ta y na ta, râh hropa khihpi lâzy taihta âmo a taola laihpa ei châ.

HMOTAOPAZY 26:11 Cross References

HLAZY 102:8

Ei chariahpazy ta noh y ta na pasipasawh ei ta, Nâ mohnaopazy ta chhiesana châta Ei moh ama hmâh tyh.

BIECHHOTUHPA 9:3

Noh ry liata hmo taopa to liata hmo chhiepa a ypa cha he he a cha: chyhsa zydua ama tovyuh awpa â lyu khaipa hih. Chyhsa sawzy cha ama hro chhôh ta ama palôh liata moleina nata hruna ta bie ta, cha hnôhlâ ta athipazy yna lâ ama sie tyh.

MATHAI 10:17

Chyhsazy tawhta a vaih teh u. Ryureina lâ cha hlâ aw ei ta, pakhyna ozy liata ama cha tu aw.

MÂKA 13:9

“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.

MÂKA 3:28

Hmeiseihta ta ei cha chho ei, chyhsa sawzy moleina zydua nata reipachhiena bie ama reipa zydua a ngiahthai theipa a châ.

LUKA 15:17

 vaw pahno pasia nahta, ‘Ei paw o liata hria hlaopa hluhpi y ei ta, nie tiah lei ama hnei thlâh bao na ta, kei deikua cha nodipa ta he liata ei thi aw hih!

LUKA 21:12

Châhrasala cha zydua a tlô hlâta, cha patu aw ei ta, ama cha taola aw. Nama thâtih pachia awpa ta pakhyna ozy liata cha hlâpa ta, patâhna ozy liata cha khô aw ei ta, ei moh vâta beizy nata râhvaotuhpazy hmiâkô liata ama châ chhi aw.

LUKA 6:11

Ryhpa pachutuhpazy nata Phârisaihzy cha ama pathi ia ngaita ta, Zisu chô liata kheihta tao awpa ma tahpa a chhohia ei ta.

HMOTAOPAZY 13:45

Zuzy ta zawpizy cha ama hmô nahta, hiatliana ta bie ei ta, Pawla bie reipa cha chakhiapa ta, reipachhie ei ta.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

HMOTAOPAZY 22:19

Kei ta, ‘Abeipa, pakhyna o to liata châ ngiapâtuhpazy patâh ei na ta, ei chhei tyhpa kha pahno tlôh ei ta.

HMOTAOPAZY 22:5

Theihthai beichaipa nata machâ zydua ta ei bie cha eina pahnokhei ei. Âmo tawhta Dâmaskâ liata ama chiheihzy lâta châ ama ropa a phaopa ta, Dâmaskâ liata Lâpi chyhsazy chahry ta, hrie awpa ta Zerusale lâ a vaw chhi awpa ta ei sie.

HMOTAOPAZY 9:1

Sawla cha Abeipa pachupa sahlao pachhiparyna nata thie awpa kyhzy reih lymâ ta. Theihthai beichaipa lâ vawh ta,

ZÂMIE 2:7

Âmo cha moh zachhihpa nama phaopa a reipachhietuhpazy châ veih ei mâ?

2 PITY 2:16

Châhrasala Bâlâma cha a moleina vâta rapa châ ta, alâ reih pathlie thei leipa cha chyhsapa hawhta bie vaw reih ta, hrohsopa hruna cha a pakhâ haw.