HMOTAOPAZY 24:25 - Mara Bible RV (BSI)

²⁵ Siana kyh nata asohsina kyh nata ryureina a vaw y awpa kyhzy Pawla ta a reih nahta, Felika cha chi ngaita ta, “Vawh chy la, daihti rypaohpa ei hnei tita ei cha aw heih aw,” tah ta.

HMOTAOPAZY 24:25 Cross References

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

2 ABEIZY 22:19

he su nata a chhôh liata a pahrâpazy kyh liata, roryhrapa nata chhiesapa ta ama y aw tahpa kyh ei reipa na thei nahta, na palôh naipa ta Abeipa hmiakô liata a panawh chi ta, na chysiazy hriepa ta, ei hmiakô liata na chapa vâta, kei chhao ta ei cha thei, Abeipa ta a tah.

EZRÂ 10:3

Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

EZRÂ 10:9

Zudâh nata Benzami mo zydua noh thôh chhôh ta Zerusale liata a hmaohpakhy ei ta. Thla chakina, noh kihna noh ta amâ hmaohpakhy. Zawpi zydua cha Khazohpa o tlyhmia kawhpa liata a tyuh ei ta, cha biezy vâta nata vâsua ru ngaitapa vâta thata a chalyu ei ta.

ZAWBÂ 29:14

Siana cha chysia ta a tobi na ta, Adona cha ei viahkao nata ei khutho a châ.

HLAZY 11:7

Abeipa cha asiapa châ ta, Siana hmotaopazy pasô ta, Chyhsa dopazy ta a hmia ama hmô aw.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 45:7

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HLAZY 72:2

Na phopi chô liata siana ta ryureih sala, Dyhchhiepazy chô liata adona ta ryureih mawh sy!

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

BIESOZY 16:12

Beidyuchhai cha siana ta paduapa a châpa vâta, Hmo pha leipa taopa cha beizy châta pasichhihpa a châ.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

BIECHHOTUHPA 5:8

Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 1:21

Kheihtazieta ma khihpi ngâchhihpa, Adona ta a bie tyhpa khihpi kha, Sihryhpa lâta a pua ha tly i? Ano liata siana pahrâ tyh ta, Tahmâ deikua cha, Lianycheihtuhpazy pahrâna a châ ha hih!

ISAI 16:5

Dâvi poh o liata kyhpachâna ta beidyuchhai paduapa châ aw ta, Cha liata ryureituhpa a tyuhpa cha, Adona ta ryu a reihpa châ aw ta, A chatliepa ta siana hmo a taopa a châ aw.”

ISAI 32:11

Nâmo, pachâ pha kawpa ta a ypa chanôzy saih u, A chalyu u la; Nâmo, chhôhmoh kawpa ta a ypazy saih u, Nôpopa ta y teh u. Nama chysia pahluhpa ta thluahruapa ta y u la, Nama chai liata latho poh a saih teh u.

ISAI 41:21

Nama khazoh nothlahpazy cha a vaw duakhei teh u, Abeipa ta a tah; Namâ dona cha vaw palâsa teh u, Zakaw pathlazy Beipa ta a tah.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

ISAI 61:8

Kei, Abeipa he adona pasô na ta, Hraona nata adoleina ei hao. Ama chô liata ei ngâchhihna palâsapa ta, Ama pasataona lymâ pie aw ei na ta, Ama hnohta chhâzaw biehrai ei tao aw.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 23:29

“Ei bie cha mei hawhta châ ta, lôpanô a pakeichheih khai theipa syulô hawhta châ vei ma?” Abeipa ta a tah.

ZEREMIAH 36:16

Bie zydua cha ama thei nahta, chipa ta a moh chyu ei ta, Bâruka hnohta, “He bie zydua he abei eima chho awpa a byuh,” tah ei ta.

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

DÂNIAH 5:30

Cha zâ liana tlai chata Kaldia bei Belsâza cha thiepa châ ta,

HÔSIA 10:12

Na châta siana chi tu la, Kyhpachâna tleih beih leipa thei hria mah y; Na râhmâhpa palie bâ teh. Tahmâ he Abeipa tlua daihti cha a châ hih, Chatanachata a vy aw ta, Na chô liata siana avâ a pasuasa aw.

HÔSIA 10:4

Bie hluhpi a chia ei ta, Haipa ta bie a taih ei ta, Biehraizy ama tao. Chavâta pachiana cha, Châmaih sibiepazy hawhta, Lyuzy liata a kaw pyuh tyh.

HÔSIA 7:5

Eima bei kyhchhi noh liata, Beimachâzy kresawhti pari khai ha ei ta, Abei chhao chyhsa a pahneisaotuhpazy hry liata â hlao hra.

AMÔSÂ 5:24

Chazy hlâta cha, Ryureina dopa cha chavah hawhta loh sala, Siana cha vahtie ti kua beih leipa hawhta loh mawh sy.

AMÔSÂ 6:12

Lôpanô chô liata arâzy amâ râ beih mâ? Cha liata chyhsa ta viahchao tôhpazy ta lei a palie beih ma? Nâmo deikua cha, Adona cha châmaih lâta palie ei chi ta; Siana thei chhao, Tho khapa nama pachâsa haw.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

HÂKAI 1:2

Pheisaihzy Abeipa ta hetana heta a tah: “He chyhsazy heta, ‘A daihti tlô mâh vei, Abeipa o sa pathi nawpa daihti châ mâh vei’ tah ei ta.”

MATHAI 22:5

Châhrasala vaw uasa leipa ei ta, tlao sie ha ei ta, pakha a lyu lâ sie ta, ahropa a sôdaohna lâ sie ta.

ZAWHÂNA 16:8

Thlapalôhtuhpa a vaw tlô tita, khizaw he moleina kyh, siana kyh nata pachiana kyhzy liata a thaileichâna a pahnosa aw.

HMOTAOPAZY 10:42

Ano cha athihpa nata ahrohpa pachia awpa ta Khazohpa ta a raopa a châzie a duakheipa ta, chyhsazy hnohta chho awpa ta bie miah a pie.

HMOTAOPAZY 17:13

Thysalawnika liata Zuzy ta Pawla cha Beria lia chhao ta Khazohpa bie a chho tahpa ama thei nahta, cha lâ chhao cha vawh ei ta, zawpizy hnapaona bie reipa ta pasyu ei ta.

HMOTAOPAZY 17:2

Pawla cha a taozietyhpa hawhta a pakhy hra ta, Pahânoh ei thôh Biehrai pakhâta ta âmo a laichadaikhei ta.

HMOTAOPAZY 17:32

Athihpa thyuheihna kyh ama thei nahta, thokha ta pahneisao ei ta, ahropazy ta, “Cha kyh cha nâma tawhta eima nathlie heih aw,” tah ei ta.

HMOTAOPAZY 2:37

Cha biezy cha ama thei nahta, ama palôh chhô ha ta, Pity nata lyuhchâ hropazy hnohta, “Unawh saih u, khâpa eima tao aw,” tah ei ta.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HMOTAOPAZY 24:26

Felika cha Pawla ta tâkâ a pie awpa hnabeiseih ta, chavâta khâ paawsa ta, bie â chho tyh.

HMOTAOPAZY 26:28

Akripâ ta Pawla hnohta, “Buakhata reipasao ta, Krizyhpa ta tao awpa ma einâ chhuah chi?” tah ta.

HMOTAOPAZY 9:6

Thyu la, khihpi liata a ngia teh, na tao awpa ama cha chho aw,” tah ta.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 14:12

Eima zydua ta Khazohpa hmiakô liata keimo thâtih eima reih chyu aw.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

2 KAWRINI 6:2

Khazohpa ta, “Daihti rypaohpa liata cha nathlie na ta, Pachhana noh liata ei cha bao,” a tah. Pachâ teh u, tahmâ he daihti rypaohpa cha châ ta, tahmâ he pachhana noh cha a châ.

KALATIA 3:22

Châhrasala Khazohpa bietai cha, Zisu Krista ngiapâna vâta, ngiapâtuhpazy hnohta piepa a châ thei nawpa ta, khizaw zydua he moleina liata a tâhpa a châzie Biehrai ta a phuah.

KALATIA 5:23

areisina nata asohsina zy a châ. Thlahpa theilâpazy chakhianazie ta ryhpa biepiepa rai y vei.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.

TITU 1:8

Khichhai a pasôpa, phana a khohpa, a sohsi theipa, chyhsa siapa, chyhsa pathaihpa, sasyh a vao pahniepa a châ awpa a châ.

HEBRAI 12:21

Ama hmo hmôpa kha chichhih ngaitapa châ tlai ta, chavâta Mawsi chhao ta, “Chipa ta thata ei chalyu,” a tahpa kha.

HEBRAI 3:13

Nama hry liata ahy hmah moleina ta dôveina liata kuhchhapa ta nama y lei nawpa ta, “tanoh” tahpa a châ chhôh zydua cha, noh chareih ta a pasyu raihrie teh u.

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

HEBRAI 6:2

bâtina, ku pahniehna, athihpa thyuheihna nata chhâzaw pachiana thâtih pachu pathaonazy liata y khao khah ei suh u.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.

ZÂMIE 2:19

Khazohpa cha pakha dei a y tahpa a ngiapâ chi ta, a pha na. Ahripazy chhao ta cha cha a ngiapâ ei ta, amâ chalyu tyh mâh tâh!

1 PITY 3:15

Nama palôh liata deikua cha, Krista cha Abeipa ta hnei u la, hnabeiseihna nama hneina chhâpa châ hiahripa maih a chhy awpa ta khatino rai ta a mâ chiehpa ta y teh u. Cha hawhta nama tao tita deikua, nônaina, zana nata

2 PITY 1:6

pahnona liata asohsina a hlao sala, asohsina liata tiamana a hlao sala, tiamana liata Khazohpa pachâna a hlao sala,

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.

1 SAMUELA 12:7

Chavâta tahmâ a chalihpa ta a duah u la, Abeipa ta nama chô liata nata châ pathlatuhpazy chô liata siana hmo a tao tyhnazie zy kha, Abeipa hmiakô liata ei châ laichadaikhei aw ei.