HMOTAOPAZY 23:9 - Mara Bible RV (BSI)

⁹ Ryureina cha thata a vaw tyhreih ta, Phârisaihzy lâta ryhpa pachutuhpa thokha a duah ei ta, ama leihna bie cha chakhia ei ta, “He chyhsa he khâpa hmah a moleina hmô ma pi. Thlahpa ta tlyma, vâlyuhchâpa tlyma ta bie a chhopa a châ khiah cha, khâpa eima reih thei aw?” tah ei ta.

HMOTAOPAZY 23:9 Cross References

BIESOZY 16:7

A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.

ZEREMIAH 26:16

Chatawhcha beimachâzy nata zawpi zydua ta theihthaipazy nata hrohsopazy hnohta, “He chyhsa he thi awpa ta a thâtih pachia tlâh châ vei, Abeipa eima Khazohpa moh ta eima hnohta bie a reihpa tlao a châ hih,” tah ei ta.

MÂKA 2:16

Phârisaihzy hry liata ryhpa pachutuhpa thokhazy ta, Zisu ta chhiekheituhpazy nata moleipazy hnohta pati a dôhpa ama hmô nahta, a pachupazy hnohta, “Khazia chhiekheituhpa nata moleipazy hnohta niedopa ta a y?” tah ei ta.

LUKA 23:22

A ei thôhna ta ama hnohta, “Khazia maw, he chyhsa heta khâpa hmo ma a parao? Thina tlâh a châpa thaileichâna ano liata khâpa hmah hmô va na. Chavâta chhei aw na ta, ei pathlie aw,” tah ta.

LUKA 23:4

Pilâ ta theihthai beizy nata zawpizy hnohta, “He chyhsa chô liana heta thailei pachâsa nawpa khâpa hmah hmô va na,” tah ta.

LUKA 5:30

Phârisaihzy nata ama ryhpa pachutuhpazy ta a pachupazy hnohta paphôh ei ta, “Kheihtazie ta chhiekheituhpazy nata moleipazy hnohta nie ta a doh thlâh ha tly?” tah ei ta.

ZAWHÂNA 12:29

Cha liata a duahpa zawpizy ta ao cha thei ei ta, “Tôkalôhpa na a thua,” tah ei ta. Ahropazy ta, “Vâlyuhchâpa ta ano bie â chho,” tah ei ta.

HMOTAOPAZY 11:17

Cha hawhta, keimo Abeipa Zisu Krista eimâ ngiapâ nota Khazohpa ta miah a piepa hmopiepa cha, Khazohpa ta âmo a pie ha hra khiah ei ta cha, Khazohpa lâpi liata chybâlâkhâ châ awpa ta, kei he ahy ma ei châ?” tah ta.

HMOTAOPAZY 22:6

“Dâmaskâ ei tlô chy ta, nohchhô lichih ta avâ tawhta khaih ngaitapa ei kiapâh liata eikhapi ta vaw khaih ta.

HMOTAOPAZY 22:7

Alei liata pao na ta, ei hnohta, ‘Sawla, Sawla khazia eina taola chi?’ tahpa ao thei na ta.

HMOTAOPAZY 23:29

Ama ryhpa bie kyh liata ama leihpa a châpa pahno na ta, ama leihna cha thina tlyma, patâhna tlyma, â phuhpa ta pahno leipa na ta.

HMOTAOPAZY 23:8

Saduasizy cha athihpa thyuheihna nata vâlyuhchâpa nata thlahpa y vei a tahpa châ ei ta, Phârisaihzy deikua cha, athihpa thyuheihna nata vâlyuhchâpa nata thlahpa a y tahpa a ngiapâpa ama châ.

HMOTAOPAZY 25:25

Châhrasala thina tlâh a châpa hmo khâpa hmah a taopa hmô va na. Ano ta beichaipa kô tlô awpa â haw hapa vâta, beichaipa lâ cha paphao awpa ei chhuah.

HMOTAOPAZY 26:31

Ama pua nahta, a chhohia ei ta, “He chyhsa heta thina tlâh a châpa tlyma, patâh tlâh a châpa tlyma, khâpa hmah tao vei,” tah ei ta.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

HMOTAOPAZY 5:39

Khazohpa tawhta a châ khiahta deikua cha, âmo he pahleipadia thei aw veih ei chi. Khazohpa a dyuhpa tlao nama châ aw!” tah ta.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

1 SAMUELA 12:5

Samuela ta ama hnohta, “Ei ku liata adoleina khâpa hmah hmô veih ei chi tahpa tanoh he Abeipa cha nâmo châ pahnokheituhpa châ ta, a sathawthupa chhao pahnokheituhpa a châ hra,” tah ta. Âmo ta, “Ano cha pahnokheituhpa a châ,” tah ei ta.

1 SAMUELA 24:17

Dâvi hnohta, “Keima hlâta na sia via syulyu na, nâ cha ei chô liata hmo phapa tao chi ta, kei deikua cha, hmo chhiepa ta viari ei cha thô.