HMOTAOPAZY 23:15 - Mara Bible RV (BSI)

¹⁵ Chavâta a thâtih a sia viapa ta pachâ a chhuahpa hawhta nâmo nata ryureituhpazy ta reih u la, Pawla cha nâmo lâ a zâ chhi awpa ta, pheisaih hyutuhpa kaw chho teh u. A su a za tlôh hlâta thie awpa ta eimâ mâ thlâh haw,” tah ei ta.

HMOTAOPAZY 23:15 Cross References

ISAI 59:7

Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.

BIESOZY 1:16

Moleina lâta ama pheizy a râ ta, Thisaih palo awpa ta amâ para tyh.

HMOTAOPAZY 22:30

A mylâ ta, Zuzy ta ama leihna chhâpa hmeiseihpa pahno a chhuahpa ta, pheisaih hyutuhpa ta Pawla chahryna cha pathlâ ta. Theihthai beizy nata ryureituhpa zydua a hmaoh awpa ta biepie ta. Pawla cha a zâ chhi ta, ama hmiakô liata paduasa ta.

BIESOZY 4:16

Hmo ama parao ha tua leipa ta cha, A mô thei leipa ei ta; Chyhsa ama chapiasa ha tua leipa ta cha, Ama mo ku thei vei.

HLAZY 21:11

Parao châ chhuahpa ta, Na chhie nawpa ta cha tei hra ei sala, Ama hlaotloh aw vei.

HMOTAOPAZY 25:3

Pawla cha Zerusale lâ a vaw chhi awpa ta a khokheina a haw ei ta. Lâpi liata a byh ta, thie amâ chhuahpa vâta cha hawhta ama hiapa a châ.

ZAWHÂNA 18:12

Pheisaih sahlao nata ama hyutuhpa nata Zuzy hyutuhpazy ta Zisu cha patu ei ta, chahry ei ta.

HMOTAOPAZY 23:1

Pawla ta ryureituhpazy cha a mo tawpâ ta, ama hnohta, “Unawh saih u, chhie nata pha pahnona hmâpa ta, tanoh taihta Khazohpa mohmô ta a phapa ta ei hroh lymâ,” tah ta.

HMOTAOPAZY 23:6

Pawla ta thokha Saduasizy châ ei ta, thokha Phârisaihzy ama châpa a pahno nahta, ryureituhpazy hnohta, “Unawh saih u, kei he Phârisaih châ na ta, Phârisaih sawchapawpa ei châ. Athihpa thyuheihna hnabeiseihna kyh vâta ryureina hmiakô liata a duahpa ei châ hih?” tah ta.

2 SAMUELA 13:5

Zônadâ ta a hnohta, “Na rakhô liata a zia la, a tlâh leipa hawhta y pakhei la, na paw ta a cha vaw mo tita, a hnohta, ‘Ngiachhiepa ta ei sietanô Tâmâri a vy sala, viahchhâ ei nie awpa bâh na vaw pie mawh sy. Ei mohmô liata viahchhâ na taopa sala, a viahchhâ taopa cha moh aw na ta, ano ku ta eina paniesa aw,’ na vaw tah aw,” tah ta.