HMOTAOPAZY 22:3 - Mara Bible RV (BSI)

³ “Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

HMOTAOPAZY 22:3 Cross References

2 SAMUELA 21:2

Abei ta Kibiô mo cha aw ta, bie a chho ta. Kibiô mo he Izarei pathlazy châ leipa ei ta, Amawri mo laibâhpazy châ ei ta. Âmo he cha pahlôh awpa ta Izarei sawzy ta bie amâ vaw taih hapa a châ. Sawla ta Izarei pathlazy nata Zudâh pathlazy châta phahnai â ngiah tuna liata Kibiô mo cha pamua khai ha awpa â vaw chhuahpa a châ.

2 ABEIZY 4:38

Râh liata chakâhna a tlô nota, Elaisâh cha Kilkal lâ sie heih ta. Hrohsopa sahlao sawchapawzy cha a hmiakô liata a tyuh ei ta, a chakaotuhpa hnohta, “Beih laipa khaih la, hrohsopa sahlao sawchapawzy châta abie pati chhopa teh,” tah ta.

LUKA 10:39

Marthâ cha narô pakha, a moh Mâri ama tahpa hnei ta. Mâri cha Abeipa phei thaby liata a tyuh ta, a bie nathlie ta.

LUKA 2:46

Noh thôh ama tlua khai tawhta, Achhyna o liata hmô ei ta, pachutuhpazy hry liata a tyuh ta, ama biezy nathliepa ta, âmo lâta hiahrinazy a vaw tao ngâpa hmô ei ta.

LUKA 8:35

Khâpa hmo ma a tlô tahpa mo awpa ta chyhsazy pua ei ta, Zisu kô ama tlô nahta, ahripa ta a puasai hapa chyhsa kha, chysia a tobipa ta palôh pasohpa ta Zisu phei thaby liata â tyu thlâhpa hmô ei ta, chi kaw ei ta.

HMOTAOPAZY 11:25

Bânabâ cha Sawla tlua awpa ta Tarsâ lâ sie ta.

HMOTAOPAZY 15:23

Hetana heta châ roh ei ta, ama tuapazy ku liata ama paphao. “Nama unawhpa lyuhchâpazy nata machâzy ta, Antiôkâ khih nata Suria râh nata Silisia râhzy liata a ypa eima unawhpa Zenitai ngiapâtuhpazy eima châ naoh.

HMOTAOPAZY 15:41

Suria nata Silisia râhzy chahryh ta, Awnanopazy thapatlô lymâ ta.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

HMOTAOPAZY 21:39

Pawla ta a chhy ta, “Kei he Zu chyhsa, Silisia râh liata Tarsâ khihpa châ na ta, khitaw chyhsa châ va na. Zawpi hnohta bie rei eina pasai awpa chi ta ei châ haw,” tah ta.

HMOTAOPAZY 23:34

Râhvaotuhpa ta châ cha reih ta, Pawla yna râh hiahri ta. Silisia chyhsa a châpa a pahno nahta,

HMOTAOPAZY 23:6

Pawla ta thokha Saduasizy châ ei ta, thokha Phârisaihzy ama châpa a pahno nahta, ryureituhpazy hnohta, “Unawh saih u, kei he Phârisaih châ na ta, Phârisaih sawchapawpa ei châ. Athihpa thyuheihna hnabeiseihna kyh vâta ryureina hmiakô liata a duahpa ei châ hih?” tah ta.

HMOTAOPAZY 26:5

Ama rei khoh khiahta cha, eima zyhna liata a i chaipa Phârisaih py ei châpa chhao, hlâno tawhta ama pahno.

HMOTAOPAZY 26:9

“Kei chhao he Nâzari Zisu moh chakhiapa ta hmo hluhpi tao awpa pha a tahpa ei vaw châ hra.

HMOTAOPAZY 5:34

Châhrasala ryureituhpazy hry liata Phârisaih pakha, a moh Kâmalia ama tahpa, ryhpa pachutuhpa, chyhsa zydua ta ama zapa ta a kaw duah ta, lyuhchâpazy cha papua chy awpa ta biepie ta.

HMOTAOPAZY 6:9

Sei Puapa sahlao pakhyna o ama tahpa tawhta chyhsa thokha, Kurini, Alezandria, Silisia nata Asia râhzy tawhta Zu chyhsazy vaw thyu ei ta, Stiphana bie cha vaw chakhia ei ta.

HMOTAOPAZY 9:1

Sawla cha Abeipa pachupa sahlao pachhiparyna nata thie awpa kyhzy reih lymâ ta. Theihthai beichaipa lâ vawh ta,

HMOTAOPAZY 9:11

Abeipa ta a hnohta, “Thyu la, Lâpi Patlâpa ama tahpa lâ vawh la, Zudâh o liata Tarsâ khihpa, a moh Sawla ama tahpa kei tlua teh. Ano cha thlahchhâ hai ta,

HMOTAOPAZY 9:30

Cha thâtih cha unawhzy ta ama pahno nahta, Kaisaria lâ zukhei ei ta, Tarsâ lâ pasiesa ha ei ta.

RAWMA 11:1

Cha khiahta la, hiahrina ei tao. Khazohpa ta ano phopi cha a thy aw ma? Thy bao va! Kei chhao he Izarei chyhsa, Abarahâ pathla, Benzami chi ei châ.

2 KAWRINI 11:22

Hebrai chyhsa ama châ ma? Kei chhao ei châ. Izarei chyhsa ama châ ma? Kei chhao ei châ. Abarahâ pathla ama châ ma? Kei chhao ei châ.

KALATIA 1:14

Zuzy zyhna kyh liata, ei chiheihzy hry liata ei richâhkha hluhpizy hlâta hmasie viapa châ na ta, nâ pathlatuhpazy taozietyhpa châta phahnai a ngiah ngaitapa ei châ.

KALATIA 1:21

Cha hnôhlâ ta Suria nata Silisia râhzy lâ sie na ta.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.