HMOTAOPAZY 20:23 - Mara Bible RV (BSI)

²³ Khihpi to liata patâhna nata rietheitaonazy ta eina hâ thlâh hapa kyh Thlahpa Pathaihpa ta eina chhopa deita ei pahno.

HMOTAOPAZY 20:23 Cross References

LUKA 16:28

Unawh papangawh hnei na ta, he su lâ amâ vy pathlei hra lei nawpa ta, zikyu a kei râ awpa ta tuah mah y,’ tah ta.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HMOTAOPAZY 18:5

Mâsidônia tawhta Sila nata Timawthy ama vaw tlô nahta, Pawla cha biechho chakaona liata a hmâh hluh via ta, Zisu kha Mesia a châ tahpa ta Zuzy hnohta â châhkhei tyh.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:11

Keimo lâ a vy ta, Pawla chaisaihna la ta, a ku nata a pheizy anosasyh ta a chahry ta, “Thlahpa Pathaihpa ta, ‘He chaisaihna a hneituhpa he Zerusale liata Zuzy ta he hawhta chahry aw ei ta, Zenitaizy ku liata ama hlâ aw,’ a tah,” tah ta.

HMOTAOPAZY 21:33

Pheisaih hyutuhpa cha a vaw hnia ta, Pawla patu ta, bâlia miano paky awpa ta biepie ta. Ahy ma a châ, khâpa ma a tao, tahpa patluah ta.

HMOTAOPAZY 21:4

Cha liata pachupazy hmô pi ta, noh sari châh pi ta. Pachupazy chata Thlahpa pahnosana ta, Pawla cha Zerusale lâ sie lei awpa ta chho ei ta.

HMOTAOPAZY 8:29

Thlahpa ta Phili hnohta, “Talailih lâ hao vawh la, a kei hnia teh,” tah ta.

HMOTAOPAZY 9:16

Ei moh vâta riethei khatlu ta ma a tao aw tahpa ei pahmôsa aw,” tah ta.

1 THYSALAWNIKA 3:3

Pasa taonazy vâna heta ahy hmah a chalyu khuh vy. He hawhta pasa tao awpa ta raopa eima châ tahpa nâmo chhao ta nama pahno.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

2 TIMAWTHY 2:12

Pasa eima tao khiahta cha, A hnohta ryu eima reih hra aw; Ano eimâ paphasai khiahta cha, Ano chhao ta miah â paphasai hra aw;