HMOTAOPAZY 2:43 - Mara Bible RV (BSI)

⁴³ Lyuhchâpazy ta hmonoâhpa nata ngiana hluhpi tao ei ta, chavâta chyhsa to ta chi ei ta.

HMOTAOPAZY 2:43 Cross References

ESTHERI 8:17

Abei biepiepa nata abei châpapuapa tlôna râh to nata khihpi to liata Zuzy cha thaphana nata alyna ta ama bie. Kyhchhizy taopa ta, apahâna nohzy phuah ei ta. Cha râh liata a ypa phopizy hry tawhta chyhsa hluhpi cha, Zuzy china ta a tla thlupa vâ ei ta, Zu chyhsa lâta amâ palie hôlô.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

MÂKA 16:17

He ngianazy heta ngiapâtuhpazy cha a zi lymâ aw: Ei moh ta ahripazy papua aw ei ta, reih thiehpa ta reih aw ei ta,

LUKA 7:16

Ama zydua ta chi ngaita ei ta, Khazohpa reithai ei ta, “Eima hry liata hrohsopa rônahpa a vaw pua hih! Khazohpa ta a chyhsazy a vaw tly ha hih!” tah ei ta.

LUKA 8:37

Kerâsene chheipâh râh liata chyhsa zydua cha chi ngaita ei ta, âmo puasai awpa ta Zisu cha a haw ei ta. Chavâta Zisu cha balyh kiah ta, a lie ha ta.

ZAWHÂNA 14:12

“Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

HMOTAOPAZY 4:33

Lyuhchâpazy ta hmotaotheina thata hneipa ta, Abeipa Zisu thyuheihna kyh a châhkhei lymâ ei ta, ama zydua chô liata ngiachhiena thata y ta.

HMOTAOPAZY 5:5

Cha biezy cha Anania ta a thei nahta, pao ta, thi ha ta. Cha thâtih a theipa maihta chi ngaita ei ta.

HMOTAOPAZY 9:34

Pity ta a hnohta, “Ainia, Zisu Krista ta a cha patlâh haw, thyu la na hmohphaw loh teh,” tah ta. Thlai thyu ha ta.

HMOTAOPAZY 9:40

Pity ta ama zydua khôtho lâ papua ta, pakhu paneihpa ta thlahchhâ ta, athihpa ri lâ a heih ta, “Tâbi, thyu teh,” tah ta. Tâbi cha a mo vaw padeih ta, Pity a hmô nahta, a kaw tyuh ta.