HMOTAOPAZY 2:24 - Mara Bible RV (BSI)

²⁴ Châhrasala ano cha thina ta patu thei vei. Khazohpa ta thina pasa taonazy cha pathlâpa ta, a pathyu haw.

HMOTAOPAZY 2:24 Cross References

HLAZY 116:16

Hy Abeipa, châ chakaotuhpa châ na ta, Na seichanô sawchapawpa, Châ chakaotuhpa ei châ hih.

ISAI 10:7

Châhrasala Asuria ta, Cha hawhta tao a chhuah leipa ta; A palôh ta pachâ hra vei. Pahleipadia khai awpa palôh tlao hnei ta, Phopi chyhta dei châ leipa ta, Phopi hluhpi pahleipadia awpa palôh a hnei.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

MATHAI 27:63

a hnohta, “Pâpuh, kha dôtuhpa khata a hro nota, ‘Noh thôh khai tawhta ei thyu heih aw,’ a tahpa eimâ thei thlâh haw.

ZAWHÂNA 10:18

Ahy hmahta na lapa leipa ei ta, keima rei tlai ta ei piepa a châ. Pie thei awpa ta biehneina hnei na ta, la pakhua heih thei awpa biehneina chhao ei hnei. Cha biepiepa cha ei Paw tawhta ei hmôpa a châ,” tah ta.

ZAWHÂNA 10:35

Khazohpa bie vaw tlôna chyhsazy hmahta khazohzy a tah khiahta cha, Biehrai bie cha parao thei awpa châ vei.

ZAWHÂNA 12:39

Cha vâna chata a ngiapâ thei veih ei. Chavâta Isai ta,

ZAWHÂNA 20:9

Athihpa hry tawhta a thyu heih awpa a châ tahpa Biehrai bie ama pahno mâh leipa vâta ama zo leipa a châ.

HMOTAOPAZY 1:16

Pity ta, “Unawh saih u, Thlahpa Pathaihpa ta Dâvi pakah ta Zisu patutuhpazy lâpi a chhotuhpa Zudâh kyh a vaw rei chhieliepa Biehrai bie kha, a vaw tlô awpa rai a châ.

HMOTAOPAZY 13:30

Châhrasala Khazohpa ta athihpa hry tawhta a pathyu haw.

HMOTAOPAZY 13:37

Khazohpa pathyupa deikua cha thuzao vei.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

HMOTAOPAZY 2:32

Cha Zisu cha Khazohpa ta pathyu ta, keimo zydua he a pahnotuhpa eima châ.

HMOTAOPAZY 3:15

Hrona pietuhpa cha thie ei chi ta, châhrasala Khazohpa ta ano cha athihpa hry tawhta a pathyu haw. Cha cha a pahnotuhpazy eima châ.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

HMOTAOPAZY 4:10

nama zydua ta pahno u la, Izarei saw zydua ta pahno mawh ei sy. Nâzari Zisu Krista nama khaipâpa, Khazohpa ta athihpa hry tawhta a pathyu heihpa moh ta, he chyhsa he nama hmiakô liata a tlâhpa ta â duahpa a châ hih.

HMOTAOPAZY 5:30

Nâmo ta tho liata khaipâpa ta nama thiepa Zisu kha, miah pathlatuhpazy Khazohpa ta a pathyu haw.

RAWMA 10:9

Na pakah ta, “Zisu cha Abeipa a châ” tahpa ta a châhkhei la, athihpa hry tawhta Khazohpa ta a pathyu tahpa na palôh ta nâ ngiapâ khiahta cha, pachhapa ta na y aw.

RAWMA 14:9

Krista cha athihpa nata ahrohpa Beipa châ awpa ta, thi ta a hroh heihpa a châ.

RAWMA 4:24

keimo châta chhao a châ. Athihpa hry tawhta eima Beipa Zisu a pathyutuhpa cha eimâ ngiapâ khiahta cha, keimo chhao mosiapa ta raopa eima châ hra aw.

RAWMA 6:4

A thina liata bâti châpa ta, a hnohta pabupa ta y pi ta, Krista cha Paw rônahna ta athihpa hry tawhta a pathyupa hawhna khata, keimo chhao hrona thiehpa ta eima charei aw.

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

1 KAWRINI 15:12

Krista cha athihpa hry tawhta pathyupa a châpa kyh phuahpa a châ tlôh khiahta cha, kheihtazieta nama hry liata thokha ta athihpa thyuheihna y vei nama tah thei?

1 KAWRINI 15:15

Athihpazy thyuheihna y vei tahpa bie he, biedopa a châ khiahta cha, Khazohpa ta Krista a pathyu leipa tlai a pathyupa hawhta a duakheipa châ aw pi ta, Khazohpa kyh liata pahnokheituhpa pakheipa eima châ aw.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

1 KAWRINI 15:4

pabupa ta y ta, Biehrai bie hawhta a noh thôhna noh ta pathyupa ta y ta,

1 KAWRINI 6:14

Khazohpa ta Abeipa cha pathyu ta, keimo chhao a hmotaotheina ta miah a pathyu hra aw.

2 KAWRINI 4:14

Abeipa Zisu a pathyutuhpa ta keimo chhao Zisu hnohta miah pathyu hra aw ta, a hmiakô liata nâmo nata miah a paduasa khoh aw tahpa eima pahno.

KALATIA 1:1

Kei, lyuhchâpa Pawla, chyhsa tuapa châ leipa ta, chyhsa zawhzi ta châ hra leipa ta, Zisu Krista nata thina tawhta Zisu a pathyutuhpa Paw Khazohpa zawhzi ta lyuhchâpa rai a hriapa nata

EPHESI 1:20

Cha hmotaotheina cha athihpa hry tawhta Krista a pathyu nota nata avâ suzy liata a chachâh lâta a patyusa nota, Krista liata a hriatuhpa hmotaotheina a châ.

KAOLAOSÂ 2:12

Bâtina liata a hnohta pabupa châ ei chi ta, athihpa hry tawhta ano a pathyutuhpa Khazohpa raihria hmotaotheina namâ ngiapâpa vâta, nâmo chhao a hnohta pathyupa nama châ.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.