HMOTAOPAZY 2:2 - Mara Bible RV (BSI)

² Eikhapi ta vârâh tawhta thlihpipa pathlipa pyu hawhta za tlô ta, cha chata amâ tyuna o cha pabie khai ha ta.

HMOTAOPAZY 2:2 Cross References

1 ABEIZY 19:11

Abeipa ta, “Pua la tlâh liana hao ta Abeipa hmiakô liata a kei duah teh,” tah ta. Chatawhcha moh tua u, Abeipa ta Elaizâh cha vaw chapia ta, thlihpi thatlôpa nata ru ngaitapa ta tlâhzy cha vaw pacho ta, Abeipa hmiakô liata lôkâhpazy a patlawchheih ta, châhrasala Abeipa cha thlih liata y leipa ta. Thlih a pathli khai tawhta alo a vaw sih ta, châhrasala Abeipa cha alosihpa liata y leipa ta.

HLAZY 18:10

Cherubi chô liata kiapa ta a zaw ta, Thlih mathlawzy kiahpa ta a vaw tlô.

HLAZY HLA 4:16

Hy maw thlih, a hra la, Hy chho thlih, a vy mah y! Ei sadô liata vaw pathli u la, A ropahâhpazy charao zaolao mawh sy. Ei lôhdupaw cha a sadô liata a vaw ngia sala, A thei pahâh chaipazy vaw nie mawh sy.

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

LUKA 2:13

Sôkha ta vâlyuhchâpa hnohta vâmo hluhpi a vaw luah ei ta, Khazohpa reithai ei ta,

ZAWHÂNA 3:8

Thlih cha a khona lâ maih a pathli tyh. A pyu thei chi ta, châhrasala khataih tawhta a vypa ma, khataih lâ ma a sie aw tahpa pahno va chi. Ahy rai Thlahpa ta a pihpa cha, cha hawhta ama y,” tah ta.

HMOTAOPAZY 2:3

Meipaleih hawhta paleihzy a pachhaih pazâhpa ta ama hnohta a vaw luah ta, ama zydua chô liata a choh ta.

HMOTAOPAZY 2:6

Cha pyu cha ama thei nahta, zawpi a vy pakhy ei ta, ama biereipa cha chyhsa to ta ama reih hawh chyu ta ama theipa vâta ama noâh kaw ta.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.