HMOTAOPAZY 2:10 - Mara Bible RV (BSI)

¹⁰ Pharuzia râh liata a ypazy, Pamphulia râh liata a ypazy, Izi râh liata a ypazy, Libia râh Kurini khih liata a ypazy nata Rawma khihpi tawhta khi a vaw tlyhpazy châ pi ta,

HMOTAOPAZY 2:10 Cross References

ÂTHAONA 12:10

Cha râh liata chakâhna vaw tlô ta, râh liata chakâh mozohpa vâta, Abarâ cha Izi râh liata y chy awpa ta zu ta.

ESTHERI 8:17

Abei biepiepa nata abei châpapuapa tlôna râh to nata khihpi to liata Zuzy cha thaphana nata alyna ta ama bie. Kyhchhizy taopa ta, apahâna nohzy phuah ei ta. Cha râh liata a ypa phopizy hry tawhta chyhsa hluhpi cha, Zuzy china ta a tla thlupa vâ ei ta, Zu chyhsa lâta amâ palie hôlô.

ZEREMIAH 46:9

Hy arâzy saih u, tôh u la, Hy talailihzy saih u, a pathluah teh u! Pasaiphazy pua mawh ei sy: Vyhphao a chabapa Kusi mo nata Puti mozy pua ei sala, Likathaipa Ludi mo chhao pua mawh ei sy.

ZEREMIAH 9:26

Izi mo, Zudâh mo, Edômâ mo, Amawna pathlazy, Môabâ mo nata râhchawhpa liata a pahrâpa, ama baih hmi a ngyupazy ei hrie nawpa noh a vaw tlô hai. He phopi zydua he chopawtaileipa châ ei ta, Izarei pathla zydua chhao pathipalôh chopawtaileipa ama châ,” Abeipa ta a tah.

EZEKIA 30:5

“Kusi mo, Puti mo, Ludi mo, Arabia mo zydua, Libia nata Izi mo nata a paraohpa râh chyhsazy chhao, Izi mo paona liata zaozi ta ama pao hra aw.

DÂNIAH 11:43

Ngôh nata tâkâ hneirônazy chô liata biehnei aw ta, Izi hmo sôhpa zydua chô liata chhao biehnei aw ta, Libia mo nata Kusi mozy cha ano liata a ngiarihpa ta ano ama pazi aw.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

ZEKARIA 8:20

“Pheisaihzy Abeipa ta hetana heta a tah: Phopizy nata khihpi hluhpi liata a pahrâpazy a vy aw ei ta,

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

MATHAI 2:15

Herawdâ a thi hlâlei cha, cha liata y ei ta. Cha hmo cha Abeipa ta hrohsopa pakah ta, “Ei sawchapawpa cha Izi râh tawhta ei aw papua aw,” a tahpa kha a vaw tlô thei nawpa ta a châ.

MATHAI 23:15

“Nâmo, Ryhpa pachutuhpa nata Phârisaih phapakheipazy saih u, nama hu a po na! Ngiapâtuhpa pakha tao awpa ta, tilaipi nata tlâh padôpa ta sie ei chi ta, ngiapâtuhpa a vaw châpa nahta, ano cha nâmo topa lie no ta hriena su a to awpa saw ta nama tao tyh.

MATHAI 27:32

Ama pua nahta, Kurini chyhsa, a moh Saimaw ama tahpa hmô ei ta. Cha chyhsa cha Zisu kraws papiasa raruah ei ta.

MÂKA 15:21

Lâpi liata amâ tyhpa Kurini khihpa Saimaw cha Zisu kraws papiasa raruah ei ta. Ano cha Alezandâ nata Rufu zy paw châ ta, khitaw lâ tawhta a vaw tlôpa a châ.

HMOTAOPAZY 11:20

Ama hry liata thokha cha Kuparâ liahpahlô nata Kurini chyhsazy châ ei ta, cha chyhsazy chata Antiôkâ khih ama tlô nahta, Krikâh mo hnohta chhao bie reih ei ta, Abeipa Zisu thâtih chho ei ta.

HMOTAOPAZY 13:1

Antiôkâ Awnanopa sahlaozy hry liata hrohsopazy nata pachutuhpazy y ei ta. Chazy cha Bânabâ zy, Nikâ ama tahpa Simeôna zy, Kurini khihpa Lukia zy, Bei Herawda unawh heihpa Manaina nata Sawla zy ama châ.

HMOTAOPAZY 13:13

Pawla nata a sielâhpazy cha Pafawsâ tawhta balyh ta sie ei ta, Pamphulia râh liata Perkâ khih tlô ei ta. Zawhâna cha âmo siesaipa ta Zerusale lâ kua ha ta.

HMOTAOPAZY 13:43

Pakhyna a pai nahta, Zuzy nata Khazohpa a pachâpa Zu phohlypa hluhpi ta Pawla nata Bânabâ cha zi ei ta, âmo cha bie a chho ei ta, Khazohpa ngiachhiena liata y thlâh ha awpa ta pasyu ei ta.

HMOTAOPAZY 14:24

Pisidia râh ama chahryh khai tawhta, Pamphulia râh tlô ei ta.

HMOTAOPAZY 15:38

Pawla deikua ta Zawhâna Mâka cha Pamphulia râh tawhta âmo kuasai ta, ama hnohta raihriana lâ a sie khao leipa vâna khata, ano a chhi heih awpa cha pha tah khao leipa ta.

HMOTAOPAZY 16:6

Thlahpa Pathaihpa ta Asia râh liata bie chho awpa a pakhâ hapa vâta, Pharuzia nata Kalatia râhzy chahry ei ta.

HMOTAOPAZY 17:21

Atheni mo zydua nata cha liata a ypa chihropazy cha, hmo hropa tao leipa ta, hmo thiehpa reipa nata nathliena liata ama daihtizy a hmâh tyhpa ama châ.

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 18:23

Cha liata khachâ rakha tlyma a y tawhta, sie heih ta, pachupa sahlao zydua thapatlô laihpa ta, Kalatia râh nata Pharuzia râhzy chahryh ta.

HMOTAOPAZY 2:11

Zu chyhsa nata Zu phohlypazy a pahlao pi ta, Krite mozy nata Arabia mozy chhao y hra ei ta, kheihtazie ta Khazohpa hmotao rônahpazy ama reipa eima reih chyu ta eima thei khai thlâh haw?” tah ei ta.

HMOTAOPAZY 23:11

A vaw pazipa zâ liata, Abeipa cha Pawla kiapâh liata a vaw duah ta, a hnohta, “Thlalôhpa ta y mah y, Zerusale liata ei thâtih nâ châhkheipa hawhna heta, Rawma liata chhao nâ châhkhei hra awpa a châ,” tah ta.

HMOTAOPAZY 27:5

Silisia râh nata Pamphulia râh daih lâ tilaipi eima khô tawhta, Lysia râh liata Myrâ khih tlô pi ta.

HMOTAOPAZY 28:15

Unawhzy ta eima thâtih ama thei nahta, a vy ei ta, Apia Daohpi nata Khichhai Bu Miathôh ama tahpa taihta miah vaw dy ei ta. Âmo cha a hmô nahta, Pawla cha Khazohpa lâ alyna bie reih ta, thlalôhpa ta y ha ta.

HMOTAOPAZY 6:5

Cha bie chata zawpi zydua palysa ta, ngiapâna nata Thlahpa Pathaihpa ta a biepa Stiphana nata Phili, Prôkôrâ, Nikanaw, Timô, Pâmenâ nata Zuzy phohlypa Antiôkâ khihpa Nikôla zy a tlyh ei ta.

HMOTAOPAZY 6:9

Sei Puapa sahlao pakhyna o ama tahpa tawhta chyhsa thokha, Kurini, Alezandria, Silisia nata Asia râhzy tawhta Zu chyhsazy vaw thyu ei ta, Stiphana bie cha vaw chakhia ei ta.

RAWMA 1:15

Chavâta nâmo, Rawma khih liata a ypazy hnoh chhao ta, thâtihpha cha chho awpa a ngiatiah va na.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

2 TIMAWTHY 1:17

Rawma khih a vaw tlô nona kha, thata na tlua ta, einâ vaw hmô.

BIEPHUAH 11:8

Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.