HMOTAOPAZY 2:1 - Mara Bible RV (BSI)

¹ Pentikaws noh a vaw tlô nahta, ama zydua ta su kha liata y pakhy khai ei ta.

HMOTAOPAZY 2:1 Cross References

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

2 THÂTIHZYRONA 5:13

Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

HLAZY 133:1

Moh tua u, unawhzy a dyh ngaitapa ta ypa cha, Pha ta â ngia kaw dia!

PUASAINA 23:16

Lyu liata na tupa, na hriapasana thei hmiatua chaipa Sâhhria Kyhchhi na tao tyh awpa a châ. Kô châh vaw di ta, lyu liata na hriapasana theizy na pakhy khai tawhta, Peihtla Kyhchhi na tao awpa a châ.

PUASAINA 34:22

Hâta Kyhchhi chay aw chi ta, cha cha sâh hria a daih tua chaipa kyhchhi a châ. Kô châhdi sâh pakhy khai tawhta Peihtla Kyhchhi chhao na chay tyh aw.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

ZEPHANIA 3:9

“Cha daihti liata, Phopizy hmao panano aw na ta, Hmao pathaihpa ta ei tao aw ei; Chatanachata ama zydua ta Abeipa moh pado aw ei ta, Lôraohpa ta ano ama chakao aw.

HMOTAOPAZY 1:5

Zawhâna kha ti ta bâti pachâsa ta, bohpi leipa ta Thlahpa Pathaihpa ta bâti pachâsapa nama châ aw,” tah ta.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 20:16

 thei khiahta cha Zerusale liata Pentikaws noh hmâ awpa ta a sie para khohpa vâta, Pawla cha Asia râh liata bohpi y awpa khoh leipa ta, Ephesi khih cha balyh ta siepakhô a chhuah ta.

HMOTAOPAZY 4:24

Cha bie cha ama thei nahta, ama zydua ta â raohpa ta ao paro ngaitapa ta Khazohpa lâ thlahchhâ ei ta, “Hy Beichaipa, nâ cha lei nata vâ nata a chhôh liata a ypa zydua taotuhpa na châ.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

HMOTAOPAZY 5:12

Lyuhchâpazy ku ta ngiana nata hmonoâhpa hluhpi zawpi hry liata tao lymâpa châ ta. Ama zydua ta palôh miakha phaohpa ta Sawlawmaw Aikah liata y pakhy tyh ei ta.

RAWMA 15:6

Chatanachata Khazohpa nata eima Beipa Zisu Krista Paw cha, reihkha tlapa ta nama reithai khoh thei aw.

1 KAWRINI 16:8

Châhrasala Pentikaws noh taih cha Ephesi khih liata ei vaw y chy aw.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 2:2

palôh miakha phaoh ta, kyhpachâna miakha hneipa ta, lôraohpa nata reihkha tlapa ta ei lyna paki teh u.