HMOTAOPAZY 19:9 - Mara Bible RV (BSI)

⁹ Châhrasala thokha cha chhorupa ta y ei ta, a ngiapâ khoh leipa ta, zawpi hmiakô liata Lâpi zyhna cha reipachhie ei ta. Chavâta âmo cha siesaipa ta, pachupazy ânano ta a chhi ta, noh chareih ta Tyrânâ pachuna o liata âmo cha Biehrai a laichadaikhei tyh ta.

HMOTAOPAZY 19:9 Cross References

2 ABEIZY 17:14

Châhrasala a pyh khoh hlei veih ei. Abeipa ama Khazohpa a ngâ khoh leipa ama pathlatuhpazy ta kuhchhapa ta ama ypa hawhta, kuhchhapa ta ama y hra.

2 THÂTIHZYRONA 30:8

Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

NEHEMIAH 9:29

Na ryhpa lâ na pakuasa thei nawpa ei ta, âmo cha zikyu a râ tyh chi ta. Châhrasala a palai ngaitapa ta hmo tao ei ta, na biepiepazy zyh leipa ei ta, na pachianazy ama chakhia lymâ. Chyhsa ta na pachiana biezy hawhta a tao khiahta cha, a hroh awpa châ ta, châhrasala ama ngiatlâh pasuapa nata ama hnôkhi chhapa cha ano lâ tlao pahei ei ta, rei a ngiah khoh veih ei.

HLAZY 95:8

Meribâ liata ama taopa hawhna khata, Nama palôh kuh pachha leipa u la, Kha noh ta Mâsâ râhchawhpa liata ama taopa hawhna khata, Tao hra khuh vy.

BIESOZY 8:34

Noh chareih ta ei chhikaozy lâ a vypa ta, Ei dôhpachhôh ochhizy liata hâ tyh ta, Ei bie a nathlie tyhpa cha a nohlao na.

ISAI 8:14

Ano cha supathaihpa châ aw ta, Izarei phopi mianopazy châta deikua cha, Moleina lô châ aw ta, Achapiana lôpanô a châ aw. Zerusale khihsawzy châta chhao, Aphyh nata khoheih a châ aw.

ZEREMIAH 19:15

“Pheisaihzy Abeipa, Izarei Khazohpa ta hetana heta a tah, moh teh u, ama kuh a pachhasa ei ta, ei biezy ama nathlie khoh leipa vâta, he khihpi chô liata nata a khichapeih zydua chô liata chhiena patlôsa awpa ta ei phuahpa kha ei vaw patlôsa aw.”

ZEREMIAH 7:26

Châhrasala na nathlie khoh leipa ei ta, ama nah pachôh hra leipa ei ta, ama kuh tlao amâ pachhasa. Âmo a pathlatuhpazy hlâ chhao ta ama paru via.

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 16:4

Chhâ moleipa nata apheipazy ta ngiana tlua tyh ei ta, châhrasala Zawna ngiana dei leipa ta cha, ama hnohta ngiana rai piepa châ aw vei,” tah ta. Âmo cha puasai ta, sie syulyu ha ta.

MATHAI 26:55

Cha dawh liata Zisu ta zawpi hnohta, “Hraotuhpa patupa hawhta patu awpa ta ma, zaozi nata byuhthô ta einâ vyhnao ei chi? Achhyna o liata noh chareih bie pachupa ta a tyuh tyh na ta, na patu tlôh ei chi va.

ZAWHÂNA 12:40

“Ama mozy pachao ta, Ama palôh kuh a pachhasa; Chata châ vei mawh sala, Ama mo ta hmô aw ei ta, Ama palôh ta pahnopa ta, A vaw heih aw ei ta, Ei patlâh ha awpa ei tlai,” a tahpa kha a châ.

HMOTAOPAZY 11:26

A hmô nahta, Antiôkâ lâta a vaw chhi ta. Kô kha chhôh tlai Awnanopa apakhyna liata a hlao ei ta, chyhsa hluhpi ama pachu lymâ. Antiôkâ liana heta pachupazy cha Krizyhpazy tahpa ta aw tuapa ama châ.

HMOTAOPAZY 14:4

Khihpi zawpizy cha py no ta a pachhaih ei ta, py kha ta Zuzy cha a châh ei ta, py kha ta lyuhchâpazy a châh ei ta.

HMOTAOPAZY 17:4

Chatanachata ama hry liata thokha cha pahniepa châ ei ta, Pawla nata Sila cha a pahlao ha ei ta, Khazohpa a pachâpa Krikâh chyhsa hluhpi nata chanô zachhihpa hluhpi chhao ta a ngiapâ ha ei ta.

HMOTAOPAZY 19:23

Cha daihti liata, Lâpi zyhna kyh vâta atymâna lai ngaitapa pua ta.

HMOTAOPAZY 19:30

Pawla cha zawpi lâ pua awpa a chhuah ta, châhrasala pachupazy ta pasaih leipa ei ta.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

HMOTAOPAZY 22:4

He Lâpi zyhna chyhsazy he thina taihta taola tyh ei na ta, a chanô chapaw ta chahry na ta, patâhna o liata ei pakhôsa tyh ei.

HMOTAOPAZY 24:21

Ama hmiakô liata ei dua nota ei reipa bie, ‘Athihpa thyuheihna kyh liata tanoh he nama hmiakô liata a duahpa ei châ hih,’ ei tahpa bie hleikhô ta eina leihna awpa hropa ama pahno khiahta cha, reih mawh ei sy,” tah ta.

HMOTAOPAZY 28:22

Châhrasala he py he su to liata reipachhiepa châ tlôh ei ta, nâma ta kheihta ma na pachâ tahpa pahno eima khoh,” tah ei ta.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

HMOTAOPAZY 9:2

Lâpi zyhna py liata chyhsa ahy rai a hmô khiah ei ta cha, a chapaw chanô ta chahrypa ta, Zerusale lâ â vaw chhi thei nawpa ei ta, Dâmaskâ pakhyna ozy liata pie awpa châzy hiah ta.

RAWMA 11:7

Cha khiahta la, kheihta a châ aw? Izarei ta a tluapa cha hmô leipa ta, atlyhpazy ta hmô ei ta, ahropazy cha kuhchhâpa ta ama y,

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

1 KAWRINI 16:9

Chakaona hlaotloh nawpa ta ei châta ochhi kawh ngaitapa â pahy. Dyuhtuhpazy chhao ama hluh ngaita.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

2 TIMAWTHY 1:15

Asia râh liata a ypa zydua ta einâ heihsai ha ei tahpa pahno chi ta, ama hry liata Phukelâ nata Hamôkene zy amâ hlao hra.

2 TIMAWTHY 3:5

Khazohpa chyhsa hawhta a lâ aw ei ta, châhrasala a hmotaotheina deikua zo aw veih ei. Cha hawhpa chyhsazy cha a heihsai mah y.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

HEBRAI 3:13

Nama hry liata ahy hmah moleina ta dôveina liata kuhchhapa ta nama y lei nawpa ta, “tanoh” tahpa a châ chhôh zydua cha, noh chareih ta a pasyu raihrie teh u.

2 PITY 2:12

Âmo deikua cha, pachâna a hmâh thai leipa râhsa, patuapaluana a hnei leipa hmohrohneipazy hawhta châ ei ta, patu awpa nata pahleipadia awpa ta a pihpazy ama châ. Ama pahno leipa kyhzy reipachhie ei ta, râhsazy hawhta âmo chhao pahleipadiapa ama châ hra aw.

2 PITY 2:2

Ama hrozie nozachhihpa cha chyhsa hluhpi ta a mopâ aw ei ta, âmo vâta biehmeiseihpa lâpi reipachhiepa a châ aw.

ZUDÂH 1:10

Cha chyhsazy deikua chata ama pahno leipa maih reipachhie ei ta, pachâna a hnei leipa sazy ta ama pikheipa pahnona ama zi thlâhpa hawhta, âmo chhao ama pikheipa pahnona zi hra ei ta, cha chata a pahleipadia ha ei.