HMOTAOPAZY 19:13 - Mara Bible RV (BSI)

¹³ Dyuthaina zuahpa ta a khiekhâpa Zu chyhsa thokhazy ta, ahripa a hneipazy cha Abeipa Zisu moh ta papua awpa a chhuah hra ei ta, “Pawla a châhkheipa Zisu moh ta, pua awpa ta bie ei cha pie,” tah ei ta.

HMOTAOPAZY 19:13 Cross References

ÂTHAONA 4:12

Lei na palie tita, alei ta kôvei cha pie khao aw vei. Alei chô liana heta leilôpa nata viavipa deita na châ aw,” tah ta.

ÂTHAONA 4:14

Moh teh, tanoh he chhaohlei tawhta na papua ha chi ta, na mohmô tawhta nyupa ta y aw na ta, alei chô liana heta leilôpa nata viavipa châ aw na ta, nâ hmôpa maihta eina thie aw ei,” tah ta.

1 ABEIZY 22:16

Abei ta a hnohta, “Abeipa moh ta biehmeiseihpa reipa dei leipa ta cha, ei hnohta khâpa bie hmah rei lei awpa ta ei khazie ma bie ei cha pataihsa aw?” tah ta.

HLAZY 109:10

A sawzy viavipa ta kudao ei sala, Ama pahrâna khih rypa tawhta lâhlapi lâta nie awpa tlua mawh ei sy!

MATHAI 12:27

Kei ta Belzebu moh ta ahripazy ei papua khiahta cha, nama sawchapawzy kha ahy moh ta ma ahripazy ama papua tyh? Chavâta âmo cha châ pachiatuhpazy ama châ aw.

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MÂKA 5:7

Ao paro ngaitapa ta awh ta, “Zisu, Khazohpa Chônôchaipa Sawchapawpa, ei chô liata khâpa tao awpa ma nâ chhuah? Khazohpa moh ta ei châ haw na, na taola khah y,” tah ta.

MÂKA 9:38

Zawhâna ta a hnohta, “Pachutuhpa, chyhsa pakha na moh ta ahripa a papuapa hmô pi ta, miah a pazi leipa vâta eima pakhâ haw,” tah ta.

LUKA 11:19

Kei ta Belzebu moh ta ahripazy ei papua khiahta cha, nama sawchapawzy kha ahy moh ta ma ahripazy ama papua tyh? Chavâta âmo cha châ pachiatuhpazy ama châ aw.

LUKA 9:49

Zawhâna ta a chhy ta, “Pachutuhpa, chyhsa pakha ta na moh ta ahripazy a papuapa hmô pi ta, châ zituhpazy hry liata â hlao hra leipa vâta eima pakhâ haw,” tah ta.

HMOTAOPAZY 19:14

Cha hmo cha Zuzy theihthai beipa Skevâ sawchapaw pasarizy ta tao tyh ei ta.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

ZAWSUA 6:26

Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.