HMOTAOPAZY 19:11 - Mara Bible RV (BSI)

¹¹ Khazohpa ta Pawla ku ta hmonoâh ngaitapazy tao lymâ ta.

HMOTAOPAZY 19:11 Cross References

ZAWHÂNA 14:12

“Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

HMOTAOPAZY 14:3

Abeipa liata riahpha ngaitapa ta bie reipa ta, cha liata bohpi y ei ta, Abeipa ta ngiana nata hmonoâhpazy ama ku ta pataosapa ta, a ngiachhiena bie ama reipa cha pahnokhei lymâ ta.

HMOTAOPAZY 15:12

Chatanachata zawpi zydua cha a chalih ha ei ta, Bânabâ nata Pawla ta âmo hmâpa ta Khazohpa ta Zenitaizy hry liata ngiana nata hmonoâhpa a taopa kyh ama reipazy cha nathlie ei ta.

HMOTAOPAZY 16:18

Cha hawhna chata noh hluhpi tao ta. Pawla cha a palôh châ khao leipa ta, a heih ta, thlahpa hnohna chata, “A chhôh tawhta pua awpa ta, Zisu Krista moh ta bie ei cha pie,” tah ta. Cha dawh lia tlai chata pua ha ta.

HMOTAOPAZY 5:12

Lyuhchâpazy ku ta ngiana nata hmonoâhpa hluhpi zawpi hry liata tao lymâpa châ ta. Ama zydua ta palôh miakha phaohpa ta Sawlawmaw Aikah liata y pakhy tyh ei ta.

HMOTAOPAZY 8:13

Saimaw chhao a ngiapâ ha hra ta, bâti a châ khai nahta, Phili hnohta y lymâ ta. Ngiana nata hmonoâhpa rônah ngaitapa a taopazy hmô ta, a noâh ngaita ta.

KALATIA 3:5

Nama hnohta Thlahpa châ pietuhpa nata nama hry liata hmonoâhpa taotuhpa ta, ryhpa hmotaopazy vâta ma chazy cha a tao? Thei ei chi ta namâ ngiapâ vâta maw?

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.