HMOTAOPAZY 17:4 - Mara Bible RV (BSI)

⁴ Chatanachata ama hry liata thokha cha pahniepa châ ei ta, Pawla nata Sila cha a pahlao ha ei ta, Khazohpa a pachâpa Krikâh chyhsa hluhpi nata chanô zachhihpa hluhpi chhao ta a ngiapâ ha ei ta.

HMOTAOPAZY 17:4 Cross References

BIESOZY 13:20

Chyhsa sopa a pakyhpa cha ano chhao soh aw ta, Ahrupazy viasa deikua cha pasa a tao aw.

BIESOZY 9:6

Hruna hrozy siesaipa ta hrona hnei la, Novâhna lâpi a chhih mah y,” a tah.

HLAZY HLA 6:1

Hy chanôzy hry liata chhithai chainô, Na lôhdupaw cha khataih lâ a sie haw? Na lôhdupaw cha khataih lâ ma sihnôh a kua haw? Eima cha vaw tluakhei aw hih.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

ZAWHÂNA 7:35

Zuzy cha âmo nata âmo ta, “Eima hmô thei lei nawpa ta, he chyhsa he khataih lâ ma a sie aw tly? Krikâh chyhsa paipatlapazy lâ siepa ta, Krikâh mo pachu â chhuahpa ma a châ tly?

HMOTAOPAZY 13:43

Pakhyna a pai nahta, Zuzy nata Khazohpa a pachâpa Zu phohlypa hluhpi ta Pawla nata Bânabâ cha zi ei ta, âmo cha bie a chho ei ta, Khazohpa ngiachhiena liata y thlâh ha awpa ta pasyu ei ta.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 14:1

Ikônia khih liata Zuzy pakhyna o liata ama pano ta a ngia ei ta, bie reih ei ta, Zu nata Krikâh chyhsa hluhpi ta a ngiapâ ei ta.

HMOTAOPAZY 14:4

Khihpi zawpizy cha py no ta a pachhaih ei ta, py kha ta Zuzy cha a châh ei ta, py kha ta lyuhchâpazy a châh ei ta.

HMOTAOPAZY 15:22

Chatawhcha lyuhchâpazy, machâzy nata Awnanopa zydua ta ama hry tawhta chyhsa pano a tlyh ta, Pawla nata Bânabâ hnohta Antiôkâ lâ pasiesa awpa cha pha tah ei ta. Unawhzy hry liata hyutuh viapa Bâsabâ ama tahpa Zudâh nata Sila zy a tlyh ei ta.

HMOTAOPAZY 15:27

Chavâta Zudâh nata Sila za tuah pi ta, âmo ta hmo yzie pakah ta ama cha chho aw.

HMOTAOPAZY 15:32

Hrohsopa Zudâh nata hrohsopa Sila ta bie hluhpi ta unawhzy cha thlah palôhpa ta, thapatlô ei ta.

HMOTAOPAZY 15:40

Pawla deikua cha Sila a tlyh ta, unawhzy ta Abeipa ngiachhiena liata ama pavaosa khai nahta sie ei ta.

HMOTAOPAZY 16:3

Pawla ta Timawthy cha a hnohta sie hra awpa khoh ta. Cha suzy liata a ypa Zuzy ta Timawthy paw cha Krikâh chyhsa a châpa ama pahno khaipa vâta, Zuzy vâna chata Pawla ta Timawthy cha a chhi ta, a chopaw pataisa ta.

HMOTAOPAZY 17:10

Unawhzy ta azo ta Pawla nata Sila cha Beria khih lâ thlai pasiesa ei ta, ama kei tlô nahta, Zuzy pakhyna o liata a ngia ei ta.

HMOTAOPAZY 17:12

Chavâta chyhsa hluhpi ta a ngiapâ ei ta, Krikâh chanô zachhihpazy nata chapawzy chhao ta amâ ngiapâ ha hra.

HMOTAOPAZY 17:14

Chavâta Pawla cha pasiesa ha awpa ta unawhzy ta tilaipi lâ thlai siekhei ei ta. Sila nata Timawthy deikua cha, cha liata y pazao ei ta.

HMOTAOPAZY 17:17

Chatanachata pakhyna o liata Zuzy nata Khazohpa a pachâpazy cha Biehrai a laichadaikhei tyh ta, sôdaohna su liata a ypazy chhao noh chareih ta Biehrai â laichadaikhei tyh ei.

HMOTAOPAZY 17:34

Chyhsa thokha cha Pawla a pahlaopa ta a ngiapâ ha ei ta. Chazy hry liata Areôpaku chyhsa Diônesia nata Dâmâri ama tahpa chanô pakha a hlao ei ta, mohropazy chhao amâ hlao.

HMOTAOPAZY 18:4

Pahânoh maihta pakhyna o liata bie reih tyh ta, Zuzy nata Krikâhzy pahnie â chhuah tyh.

HMOTAOPAZY 19:10

Cha hawhna chata kô no chhôh tao ta, chatanachata Asia râh liata a ypa Zuzy nata Krikâh zydua ta Abeipa bie thei ei ta.

HMOTAOPAZY 2:44

Ngiapâtuhpa zydua hmaohkha ta y ei ta, hmo to a hly ei ta.

HMOTAOPAZY 21:28

“Izarei sawzy saih u, miah bao teh u! He chyhsa he râh to liata chyhsa zydua hnohta, Zu chyhsa nata ryhpa nata he Achhyna o chhao he a reipachhietuhpa kha a châ. Cha dei châ vei, Achhyna o liata Krikâh mo a ngiakhei ta, he su pathaihpa he a papuapalei,” tahpa ta awh ei ta.

HMOTAOPAZY 28:24

A bie reipa ta thokha cha pahnie ta, ahropazy deikua ta zo leipa ei ta.

HMOTAOPAZY 4:23

Ama pathlie nahta, Pity nata Zawhâna cha ama viasazy lâ vawh ei ta, theihthai beizy nata machâzy ta ama hnohta ama reipazy cha chho ei ta.

2 KAWRINI 8:5

Cha chhao cha eima pangiasa leipa hawhta ama tao. Abeipa liata âmosasyh a hlâ tua ei ta, cha khai tawhta, Khazohpa khozie hawhta keimo liata miah amâ ngiarih.