HMOTAOPAZY 17:34 - Mara Bible RV (BSI)

³⁴ Chyhsa thokha cha Pawla a pahlaopa ta a ngiapâ ha ei ta. Chazy hry liata Areôpaku chyhsa Diônesia nata Dâmâri ama tahpa chanô pakha a hlao ei ta, mohropazy chhao amâ hlao.

HMOTAOPAZY 17:34 Cross References

MATHAI 20:16

Cha hawhna chata hnôh chaipazy cha hmiatua chaipazy châ aw ei ta, hmiatua chaipazy cha hnôh chaipazy ama châ aw,” tah ta.

HMOTAOPAZY 13:48

Cha biezy cha Zenitaizy ta ama thei nahta, a ly ngaita ei ta, Khazohpa bie cha parônahsa ei ta; chhâzaw hrona hnei awpa ta raopa hluhpizy cha a ngiapâ ha ei ta.

HMOTAOPAZY 17:19

Pawla cha a chhi ei ta, Areôpaku lâ vawkhei ei ta, a hnohta, “He pachuna thiehpa na rei tyhpa he khâpa ma a châ tahpa miah na chho thei aw ma?

HMOTAOPAZY 17:22

Pawla cha Areôpaku liah khophie liata a duah ta, “Nâmo, Atheni mo saih u, ato liata zyhna kyh a pachâ peimawh ngaitapa nama châ tahpa ei pahno.

HMOTAOPAZY 17:33

Chatawhcha Pawla cha ama hry tawhta pua ha ta.

HMOTAOPAZY 17:4

Chatanachata ama hry liata thokha cha pahniepa châ ei ta, Pawla nata Sila cha a pahlao ha ei ta, Khazohpa a pachâpa Krikâh chyhsa hluhpi nata chanô zachhihpa hluhpi chhao ta a ngiapâ ha ei ta.

PHILIPI 4:22

Mopathaihpa zydua ta châ naoh ei ta, Kaisarâ chhôhkha liata a ypazy ta amâ châ naoh pachai.