HMOTAOPAZY 17:32 - Mara Bible RV (BSI)

³² Athihpa thyuheihna kyh ama thei nahta, thokha ta pahneisao ei ta, ahropazy ta, “Cha kyh cha nâma tawhta eima nathlie heih aw,” tah ei ta.

HMOTAOPAZY 17:32 Cross References

ÂTHAONA 19:14

Chatanachata Lawta cha a sawchanôzy a hnei awpa a piahpazy lâ vawh ta, ama hnohta, “Thyu u la, he su tawhta pua teh u. Abeipa ta he khihpi he a pahleipadia aw,” kei tah ta. Châhrasala a piahpazy ta sai a sohpa hawhta pachâ ei ta.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

LUKA 14:18

Châhrasala ama zydua ta reihkha tlapa ta reina hnei khai ha ei ta. A hmiatua chaipa ta a hnohta, ‘Lyu chalei na ta, mo awpa ta ei sie awpa a byuh. Ngiachhiepa ta na pachâ thai mah y,’ tah ta.

LUKA 22:63

Patâhna o liata Zisu vaituhpazy ta Zisu cha pasipasawhpa ta, tu ei ta.

LUKA 23:11

Herawda nata a pheisaihzy ta Zisu cha mohnao kawpa ta pasipasawh ei ta. Poh rônahpa pabupa ta, Pilâ lâ hlâ pakhua ha ta.

LUKA 23:36

Pheisaihzy chhao ta Zisu cha pasipasawh ei ta, ano lâ a vy ei ta, kresawhti thaopa pie ei ta.

HMOTAOPAZY 13:41

“‘Nâmo, mohnaotuhpazy saih u, moh teh u, Nama noâh sala, leidia teh u; Nama hro chhôh ta hmo miakha tao na ta, Cha chho hra ei sala, Zo aw veih ei chi,’ tahpa ta a reipa biezy nama chô liata a vaw tlô pathlei aw na,” tah ta.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

HMOTAOPAZY 17:33

Chatawhcha Pawla cha ama hry tawhta pua ha ta.

HMOTAOPAZY 2:13

Thokha ta pahneisao ei ta, “Kresawhti thiehpa ama pari he tly ma,” tah ei ta.

HMOTAOPAZY 24:25

Siana kyh nata asohsina kyh nata ryureina a vaw y awpa kyhzy Pawla ta a reih nahta, Felika cha chi ngaita ta, “Vawh chy la, daihti rypaohpa ei hnei tita ei cha aw heih aw,” tah ta.

HMOTAOPAZY 25:19

Ama zyhna kyh nata Zisu ama tahpa, a thi hapa, Pawla ta a hrohpa hawhta a reipa kyh liata amâ eina tlao vaw châ ta.

HMOTAOPAZY 26:8

Khazohpa ta athihpa a pathyu tahpa he, khazia zo chhih leipa hmo ta nama rao tly?

1 KAWRINI 1:23

Keimo deikua cha, Krista khaipâpa thâtih eima chho. Cha cha Zuzy châta achapiana châ ta, Zenitaizy châta hruna a châ.

1 KAWRINI 15:12

Krista cha athihpa hry tawhta pathyupa a châpa kyh phuahpa a châ tlôh khiahta cha, kheihtazieta nama hry liata thokha ta athihpa thyuheihna y vei nama tah thei?

1 KAWRINI 4:10

Keimo la Krista châta ahrupa châ pi ta, nâmo deikua Krista liata asopa nama châ. Keimo la chiehleipa châ pi ta, nâmo deikua thatlôpa nama châ. Nâmo cha chyhsa palyupalihpa ta y ei chi ta, keimo deikua chyhsa mohnaopa ta eima y.

2 KAWRINI 6:2

Khazohpa ta, “Daihti rypaohpa liata cha nathlie na ta, Pachhana noh liata ei cha bao,” a tah. Pachâ teh u, tahmâ he daihti rypaohpa cha châ ta, tahmâ he pachhana noh cha a châ.

HEBRAI 11:36

Mohropazy chhao pasipasawhna nata tuna zy vâta pasa tao ei ta, bâlia nata patâhna zy amâ tyh.

HEBRAI 13:13

Chavâta riehmo khôtho liata ano yna lâ pua sih la, reipachhiena a phaopazy cha phaokhei suh u.