HMOTAOPAZY 17:26 - Mara Bible RV (BSI)

²⁶ Alei chô zydua liata pahrâ awpa ta, chyhsa pakha tawhta phopi to tao ta, ama châta daihtizy rao ta, ama y nawpa râhrizy a pakhâh.

HMOTAOPAZY 17:26 Cross References

ÂTHAONA 3:20

Âdâh ta a lapinô cha, hmohrohneipa zydua nô a châpa vâta, a moh ta Evâ a bi.

ÂTHAONA 9:19

He pathôhpazy he Nôah sawchapawzy châ ei ta, khizaw zydua liata a pahrâpa chyhsa zydua he âmo pathlazy ama châ khai.

ZAWBÂ 12:23

Phopizy parônahsa ta, A parao heih tyh ei; Phopizy palai ta, A papai hei hra ei.

ZAWBÂ 14:5

A nohzy rao chiehpa châ ta, A thlazy na hnohta y ta, A khô thei lei awpa râhri na tao ha tawhta cha,

HLAZY 31:15

Ei daihtizy na ku liata y ta, Ei chariahpazy ku tawhta na pachha la, Nâ taolatuhpazy ku tawhta na pachha mah y!

HLAZY 74:17

Alei liata râhrizy pakhâh chi ta, Nopi nata chasipaw zy na tao.

ISAI 14:31

Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ISAI 34:17

Âmo châta nuby a dao ha ta, A ku ta chaori thlie ta, Ama tovyuh râh a pie chyu ei; Chhâzaw ta hnei aw ei ta, Chhâ zydua ta cha liata ama pahrâ aw.

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

ZEREMIAH 27:5

“Alei nata a chhôh liata a ypa chyhsapa nata sazy he, kei ta ei hmotaotheina rônah ngaitapa nata ei bâh pazawhpa ta ei taopazy châ ei ta, pie tlâhpa ta ei raopazy hnohta ei pie ei.

DÂNIAH 11:27

He bei panozy he hmo pha leipa taona lâta ama palôh pahei aw ei ta, tlâhkhai miakha liata dôhna chôta a dôvei raihrie aw ei ta, châhrasala phahnai aw vei, chhâna cha daihti raopa liata a vaw tlô thlyu awpa vâta.

DÂNIAH 11:35

Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

MALAKHAI 2:10

Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?

HMOTAOPAZY 14:17

Chatahrasala a pahnokheituhpa y leipa ta y beih vei. Hmo phapa tao lymâpa ta, avâ tawhta vâsuazy nata kô pha kôzy cha pie ei ta, niepa nata alyna ta nama palôh a cha pabie tyh ei,” tah ei ta.

HMOTAOPAZY 15:18

Hlâno tawhta pahnopa Abeipa ta a tah,’ tahpa ta ama vaw chho haw.

1 KAWRINI 15:22

Âdâh liata chyhsa zydua ama thipa hawhta, Krista liata chyhsa zydua pahropa ta ama y aw.

1 KAWRINI 15:47

Âdâh hmiatuapa cha alei tawhtapa châ ta, dohlei ta taopa a châ. Âdâh panona deikua cha vârâh tawhtapa a châ.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.