HMOTAOPAZY 17:25 - Mara Bible RV (BSI)

²⁵ Hmo a phahlapa hawhta, chyhsapa ku ta chakao a ngiahpa châ hra vei. Ano tlai cha chyhsa zydua hnohta hrona nata husona nata hmo zydua a pietuhpa tlao a châ.

HMOTAOPAZY 17:25 Cross References

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ZAWBÂ 12:10

A ku liata hmo hrohneipa to hrona y ta, Chyhsa zydua husona chhao a y.

ZAWBÂ 22:2

“Chyhsapa heta Khazohpa châta phahnaina a hnei aw ma? Asopa la anosasyh châta phahnaina a hnei tlai aw.

ZAWBÂ 27:3

Keima liata ei hu y chy ta, Ei hnapasu liata Khazohpa thlahpa a y chhôh cha,

ZAWBÂ 33:4

Khazohpa Thlahpa ta na tao ta, Atotaotheipa hu ta hrona eina pie.

ZAWBÂ 34:14

A palôh ta â chhuah khiahta cha, A thlahpa nata a hu la pakhua thei ta,

HLAZY 16:2

Abeipa hnohta, “Ei Zibeipa châ chi ta, Nâma leipa ta la phana rai hnei va na,” ei tah tyh.

ISAI 42:5

Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ISAI 57:16

Chhâzaw ta a dyuh leipa aw ei na ta, Ei pathi khâ ia aw vei. Chataleipatala thlahpa cha, Ei hmiakô lia tlai ta panao aw ta; Keima tlai ta ei taopa hrona hu chhao, A panao pathlei aw na.

ZEREMIAH 38:16

Bei Zedekia ta Zeremiah cha arulâta bie a taih ta, a hnohta, “Eima hrona a taotuhpa Abeipa hrona reipa ta ei reih, cha thie leipa aw na ta, thie châ chhuahpa chyhsazy ku liana chhao he cha hlâ aw va na,” tah ta.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

MALUHREINA 27:16

“Zawpizy he chhihtha awpa ta, Abeipa, chyhsa zydua thlahpa Khazohpa ta chyhsa pakha rao mawh sy.

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

HMOTAOPAZY 14:17

Chatahrasala a pahnokheituhpa y leipa ta y beih vei. Hmo phapa tao lymâpa ta, avâ tawhta vâsuazy nata kô pha kôzy cha pie ei ta, niepa nata alyna ta nama palôh a cha pabie tyh ei,” tah ei ta.

HMOTAOPAZY 17:28

“Ano vâta hroh pi ta, A pielyu pi ta, Eima ypa a châ.” Nama hlaphôh phi thaipa thokha chhao ta, “‘Keimo chhao he, A pathlazy eima châ,’ tahpa ta ama reih hra.

RAWMA 11:35

Thô awpa hnabeiseihpa ta, Ahy ma Khazohpa lâ hmo a pie?

RYHPACHANEINA 30:20

Abeipa nama Khazohpa kyhpachâ u la, a ao nathliepa ta, ano khâchâ patu teh u. Ano cha nama hrona châ ta, nama hro pasina a châ. Chatanachata Abeipa ta châ pathlatuhpa Abarahâ, Aisika nata Zakaw zy hnohta pie awpa ta bie â taihpa râh liata nama pahrâ thei aw,” tah ta.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.